(جميع الصور من حسابهم بالانستقرام)
السلام عليكم حبايبي ❤️ اليوم بتكلم عن تجربتي مع امازون كيراتين هي شركة للكيراتين و الحلو فيها ما تضر الشعر و في انواع تختاري الي تحتاجي او يناسب شعرك زي العنب و التشوكليت و التفاح عندهم بوتكس كمان و يوفروا ماسك و شامبو و بلسم و سيرم.
ماما اشترت من عندهم من كم شهر حق العنب و هدا وصفوا من موقعهم:
افضل منتج لعلاج وتنعيم الشعر وهو مناسب لجميع انواع الشعر
يعطيه افضل نعومة لاطول مدة ممكنة بدون ضرر
يحتوى التركيبة العلاجية الافضل لمعالجة تلف وجفاف الشعر
مناسب الاطفال من عمر 6 سنوات واكثر
يحتوي نسبة اقل من 0.02% فورمالدهايد
يغسل بعد 20 ساعة فقط
يبقى مقعوله لستة اشهر تقريبا
(طبعا المفروض في الكيراتين نسبة الفورمالدهايد ما تتعدى 0.02% لان اكتر من كدة يعدم الشعر و يضرو اكتر من انو يفيدو)
فا لما ماما اشترتو من المندوبة و سوتو لنفسها بالبيت و ما شاء الله مرة عجبها و زاد منو و سوت لاختي و لما جيت في المدينة سوتلي كمان 😁
طريقة الكيراتين: اول شي تغسلي شعرك كويس ٣ مرات بشامبو منقي زي شامبو الاطفال جونسون او نونو و تغسلي كويس بس بالشامبو هدا عشان تشيلي كل اثار الدهون او اي منتجات شعر و لا تستخدمي بعدها شي لشعرك و تحطي الكيراتين على شعرك و افضل تستخدمي مشط نحيف عشان يتوزع على كامل الخصلة و توزعي بشكل كامل على شعرك و تخلي ١٠ دقايق (طبعا الكمية الي تحطيها تكون تكفي شعرك) و تبداي تنشفي شعرك و تسشوري بالاستشاور العادي و بعدها تبداي تسوي بالفلات ايرون او السراميك
و تخلي على حرارة ٢٣٠ درجة مئوية او 450 فهرنهايت و تبداي تسوي على شعرك كلو خصلة خصلة و بس تخلي ٢٠ ساعة و تغسلي
(الاوقات تختلف من نوع لنوع هدي طريقة كيراتين العنب)
المندوبة هي تابعة للمؤسسة و هي الوكيل الحصري في السعودية حتى اسم المؤسسة موجود على علب الكيراتين عشان تتأكدوا.
تعامل المندوبة جدا حلو و اخلاق و خدمتهم سريعة ما شاء الله و يدوكي رسالة كاملة بطريقة الاستخدام لما تشتري و طريقتو سهلة تقدري تسويها بنفسك او احد يساعدك و عندهم مندوبات في مدن معينة ممكن يعملوا ليكي بس طبعا بفلوس
رأي في الكيراتين: انا شعري ناعم بس كرلي و في نففففشة و هدا الي خلاني اسوي عشان النفشة تخف و فعلا ما شاء الله دحين شعري النفشة خفت يمكن ٩٠٪ و شعري احس في لمعة مرة حلوة و ما سار كرلي ابدا كاني مسشورة شعري بعد الاستحمام بس امشطوا و ارطبو بسيرم او زيت خفيف و اخلي ينشف من حالو و ما شاء الله تبارك الله يسير كاني مسشورة. و الكيراتين مرة ريحتو حلوة ماهي قوية زي في الصوالين و تخنق عشان نسبة الفورمالدهايد خفيفة.
حتى بعد ما تخلصي تشمي ريحة حلوة من شعرك مو ريحة سيئة و اوفر بكثيررر من اسعار الصوالين
و النتيجة تختلف علي حسب نعومة الشعر و نسبة الفرد في كيراتين العنب اعلى نسبة من باقي الانواع
اذا حابة تسوي كيراتين انصحكم في بس طبعا اختاري النوع الي يناسب شعرك او احتياجك
و هدا موقعهم
http://amazonkeratinksa.com
و حسابهم في الانستقرام متوفرة في الاسعار و المعلومات
@amazonkeratin_ksa
xoxo
هل اطراف الشعر تصير واقفة بعد الكراتين زي الفرد
ردحذفهل شعرك دهني قبل ما تسوي الكيراتين ؟
ردحذفوكيف صار بعد ؟
هل شعرك دهني قبل ما تسوي الكيراتين ؟
ردحذفوكيف صار بعد ؟
اني كمان من احد مجربي كيراتين امازون من اكثر من ثلاث سنين وكل ستة اشهر اعمل
ردحذفصراحة يعتبر معالج ومنعم بنفس الوقت شعري اصبح اكثر رطوبة ونعومة والتساقط خف بنسبة كبيرة والقشرة خفت
يعني غير النعومة
اني شعري اتعالج على المدى الطويل
صحيح سعره غالي بي يستحق
وللعلم شعري قبل كان جاف وفيه نفشه شوية ومتعرج
ولما اتكلم عن قبل قصدي قبل ثلاث سنين
لانه عالج لي شعري