Jaclyn Hill Favourites Palette from Morphes
السلام عليكم حبايبي ❤️ اليوم بتكلم عن باليت جاكلين هيل الي كسر الدنيا 😂 حسيت ان تاني باليت عمل ضجة بعد باليت لوراك ميغا برو هههههه و اليوم بتكلم عن تجربتي لي 😁
اول شي بتكلم عن الباكجنغ! (التغليف) انا بالنسبة ليا يهمني مرة الباكجنغ احس ان يجدبني للمنتج ممكن و كمان يلعب دور في حماية المنتج. اول شي الباكجنغ مرة ما عجبني صراحة حسيتو من البلاستيك الرخيص الي بسهولة ينكسر يعني ابدا ما حسيتوا عملي 👎 احس اي طيحة او شي ينكسر بس ما حبيتو حتى شكلو من جوة تحسي من جد رخيص و هو بالنسبة لسعرو و كمية الاي شادوز الي في رخيص بس برضو احس افضل لو كان الباكجنغ افضل زي شركة ايلف رخيصة و تغليفها كويس.
بالنسبة للالوان الغوامق واضحة اما الفاتحة جدا ماهي واضحة و لازم برايمر معاها. طبعا الباليت في الوان شيمر و الوان مات و يغلب عليها الالوان الترابية.الي عجبني فيها ما تتناثر او تتفتت و سهل دمجها. ملمسها مرة ناعم و جودتها حلوة صراحة بعضها ملمسها و الفنيش تحسي ساتن.
الصفين الاولى كلها بين البنيات و الاورانج و الصفين الي تحت مختلفة بين الوان كتير زي الاخضر و العودي و الورديات و الموف. احسها ممتازة لأي وحدة الاندرتون تبعها دافئ لان الالوان يغلب عليها الدفئ 😍.
بصراحة احسها ممتازة بالنسبة لسعرها و شركة مورفز معروفة بالاي شادو حقتها ان سعرها في متناول الجميع و جودتها كويسة.
هدي سواتش للالوان من النت (حاولت اعملها بنفسي ماهي راضية تطلع واضحة زي نفس الوان الباليت للاسف)
اذا ما عندك اي باليت متنوع هدا مرة فرصة 👍 بس والله ما ادري اذا راح ينزل تاني ينباع او لا :( ممكن يكون موجود عن بعض التاجرات
سعرو 275 و اخدتو من @jory_shop1
ليست هناك تعليقات:
إرسال تعليق