مشترياتي في البلاك فرايدي

السلام عليكم حبايبي ❤️ اليوم بنزلكم مشترياتي الي اخدتها في البلاك فرايدي ❤️ تقريبا اغلبها ميك اب 😂 

اول شي من موقع تارت ❤️ تارت ما يوصل للسعودية لازم بريد امريكي بس يقبل فيزتنا و كمان البعض يقولوا لازم تطلبي اقل من ١٠٠$ عشان يقبل يشحن على شركات الشحن و البعض يقولوا لا عادي تقدري تطلبي اكثر من ١٠٠$ و يوصل للشركات و بنات قالو ابدا ما قبل فيزتهم. انا طلبي كان كلو ٨٥$ و قبل طلبي و فيزتي من الاهلي و شركة الشحن الي استخدمها MyUS و شحن عادي الحمدلله.

بس عيبهم شحنهم يطول قعدو تقريبا ٦ ايام الين شحنوا و الشحن اخد قريب ١٠ ايام. اخدت منهم باليت تارتلت ان بلوم بس صراحة ما حبيتو مرة على الطبيعة مدري ليش و افكر ادي ماما 🙊 لسة قاعدة اقرر. و اخدت باليت كونتور و هايلايت و بلش اسمو بارك افي برنسس و كانو عاملين عرض ٣ اقلام عبن بخمسة دولار و اخدت عينة مجانية من فاونديشن امزونين كلي. 

ثاني موقع الحب كلوربوب ❤️ برضو ما يشحن للسعودية لازم بريد امريكي بس يقبل فيزتنا و مافي حد معين. انا طلبت طلبين مفرقة واحد قبل البلاك فرايدي و الثاني في السايبر مندي. و هدي طلباتي

اول شي اخدت روج Lumiere و المحدد حقو و اخدت كمان محددات Dazed - Contempo - Westie

و كمان اخدت من ارواجهم السايلة الدرجات من اليمين scroog - Bad Habit - More Better - Solow - Clueless - Seesaw

و اخدت من الاي شادوز الميتالك حقتهم مرة اعشقها! و حطيت صورتين اول وحدة الالوان و بعدها الاسماء بنفس الترتيب

و اخر شي من طلبات الميك اب اخدت من موقع نيكس و برضو ما يوصل للسعودية لازم بريد امريكي و اخد وقت طويل الين شحن و وصل الشحن اكتر طلبية طولت. و هدي طلباتي

اول شي اخدت ٣ الوان رول اون شيمر هي اي شادو شيمر بس طريقتو زي الرول على الجفن. و اخدت ٣ الوان من اليمين Salmon - Nude Diaphane - Mauve Pink

و اخدت الكوريكتر درجة لايت و ماسكرا حواجب درجة برونيت

و اخدت باليت فاضي في ٤ اماكن و في ٤ الوان شادوز و اسمها Girl Talk - Golden Peach - Liquid Gold - Rebirth 

بس قهرني انو واحد من الالوان طلع كدة الشادو اصغر من العلبة الحديد يقهرررر و كمان ما عجبتني الباليت لانها كرتون ماهي بلاستيك

و اخر شي اخدت ارواج و محددات. اول شي من ارواجهم السايلة اخدت لونين Tea & Cookies - Life's A Beach و محددين Natural - Sand Biege و روج من مجموعة الفولتج اسمو Beam

و اخدت روج مات درجة Natural

بالنسبة لمشترياتي المنوعة من امازون اول شي اخدت دفاتر تلوين حقة الكبار الي طالعة دحين يقولوا ترخي الاعصاب و تهدي و كدة قلت اجرب خخخخخ اخدت ٣ دفاتر 

و اخدت كمان الوان خخخخخ عجبتني عشان كتيرة 😂 ما قيد لقيت داه العدد عندنا هههههه فا اخدتها كان عليها تخفيض اصلا

اخر حاجة اخدت ساعتين برضو من امازون وحدة من فوسيل كانت ٥٠٠ سارت ٢٠٠ و شوية ما حبيتها كتير لان كانت باينة كبيرة في الصورة على الطبيعة طلعت صغيرة و ما احب الساعات الصغيرة كدة و الساعة الثانية مرة حبيتها من ماركة اسمها اكربوس اول مرة اشوفها كانت ١٢٠٠ سارت ٢٨٠ تخيلو حسيتها من جد لقطة

و طلبت كم طلب ثاني بس خاص فيا و هدي كانت مشترياتي

بالنسبة لشركة ما يو اس الشحن من البريد إلى السعودية ياخد تقريبا ٤-٥ انا كان سريع صراحة و شركة ما يو اس تعاملهم سريع و عجبني الموقع كاهتمام و تغليف بس الافضل اذا تبغي تستخدمي تجمعي طلباتك لان لما يكون كم طلب من كم موقع راح يسير ارخص من انك تشحني طلب طلب. انا شحنتها على دفعتين اول دفعة كانت على فيدكس و كان في طلب كلور بوب الاول و طلبات امازون كلها و كلف تقريبا ٣٥٠ ريال الشحن و الدفعة الثانية كانت على دي اتش ال و كان فيها طلب تارت و نيكس و طلب كلوربوب الثاني و كلف ١٦٠ ريال فا هو على حسب الوزن.

الي حابة تعرف طريقة عمل بريد امريكي تشوف مدونة هناء شرحة فيها كم موقع

http://hanaa-badr.blogspot.com

Stay Elegant

xoxo