الثلاثاء، 28 أكتوبر، 2014

دليل لأرواج ماك







سلام حبايبي و أهلين فيكم بمدونتي الجديدة 😁 اتمنى تعجبكم ❤️ و اليوم ابغى اتكلم عن ارواج ماك و جميع انواع الفينش حقتها او كيف اللوك او الملمس الاخير الي تديكي هو و في ١٣ فينش لارواج ماك و نبدأ




الأرواج المات

هي الأرواج الي تجفف الشفايف و اكثرها بقاء تقريبا تقعد مدة ٦ ساعات و تديكي لون قوي و مافيها اي لمعة او بريق. مثال: كاندي يم يم، رشن ريد، ليدي دانجر، بليز مي.




الأرواج الريترو مات

هي زي المات بس تنشف الشفايف أكتر و مات أكتر من المات العادي بس ألوانها جميلة. مثال: روبي وو، رينتليسلي ريد، دانجيرس.




الأرواج الساتن

تقريبا زي المات بس فيها بريق او لمعان و تجفف الشفايف بشكل أقل. تقعد لمدة ٥ ساعات تقريباً و 
تغطي الشفايف بشكل كامل يعني ما تديكي منظر شفاف. مثال: ميث، ريبل، ماك ريد، سنوب.



الأرواج الأمبليفايد

هدي تعطي تغطية كاملة على الشفايف و ما تجفف الشفايف كتير و بقائها لمدة ٣ الى ٤ ساعات. للاسف ماني لاقية امثلة ليها مرة كل الي يطلعلي للامبليفايد الكريم الي حتكلم عنو بعد هدا.



الأرواج الكريم أمبليفايد

هدي ارواج كريمية و ما تقعد فترة طويلة و تدي فنش او لوك قلوسي تقريبا ثباتها لمدة ساعتين و ممكن تطلع برة الشفايف عشانها مرة كريمية افضل تستخدمي معاها محدد عشان تثبت اكتر و الحلو فيها ما تجفف الشفايف. مثال: امباشنيد، غيرل اباوت تاون، ڤيقاس ڤولت، مورانج، ساينت جيرمين، بلانكتي.



الأرواج الكريم شين

هدي كريمية و لمعانها زي القلوس. تبقى لمدة ساعتين تقريبا بس مرة مريحة على الشفايف تغطي الشفايف بشكل اخف من الانواع الي قبل و تقريبا هي اشهر فنش لماك لان اغلب الوانها طبيعية او نيود. مثال: شاي غيرل، كريم دي نيود، كريم كب، ليكبل.



الأرواج الكريم شين بيرل

زي الي قبلها الكريم شين بس وضوحها اقل و برضو كريمية اقل. مثال: كورال بليس و بينك بيرل بوب.




الأرواج اللستر

هدي تدي تغطية شفافة بلمعان و هي قلوسية عشان كدة ما تقعد لفترة طويلة تقريبا تقعد ساعة او ٢. مثال: بلنك، سيرب، هق مي، جوبيلي، باتسيري.





الأرواج الفروست

هدي مرة لماعة و هي شوية قلوسية و تغطيتها جيدة و تقريبا تقعد حوالي ساعتين. مثال: انجل، كوستا شيك و كريم دي لا فيم.





الأرواج الغليز

اكتر الارواج شفافية تدي لوك مرة طبيعي بس يكون قلوسي و ما تقعد مدة طويلة تقريبا ساعة او ساعة و نص. مثال: هيو و بيرفيت.




الأرواج البرو لونغ وير كريم

ماك تقول ان هدي تدوم لمدة ١٢ ساعة بس الي جربوها قالو تقعد اقل تقريبا ٨ ساعات بس برضو ممتار! و ما تطلع من الشفايف كتير و ممكن اللون يقل بشكل خفيييف. و مع انها تدوم فترة طويلة بس ما تنشف الشفايف زي المات و مافيها فنش قلوسي بس ماهي مات مرة يعني في النص. مثال: تيل تمورو، انلميتيد، برولونج، قود تو قو.




الأرواج السوبريم شين

هدي الأرواج بين القلوس و الروج لونها زي لون الروج بس مرة قلوسية زي الليب قلوس. تقعد تقريبا ٣ ساعات على حسب اللون، الالوان الفاتحة تروح اسرع. و مرة ترطب الشفايف مع انها قلوسية بس ما تخلي الشفايف تلصق. مثال: الترا دارلنغ، قوتا داش، نيو تيميتيشن، كوايت ذا ثينغ.




الأرواج المنيرلايز ريش

هدي فيها تقريبا ٧٧ معدن تركيبتو غنية و كريمية اكتر من كريم شين. تغطيتو ممتازة و فيها لمعان مرة مريحة للشفايف و تقعد تقريبا ٣ ساعات. مثال: بوش تون، قلامور ايرا، لاش لايف، ليدي ات بلاي.





الأرواج الماتن

اخر نوع هدي مرة كريمية مع ان اسمها في مات تغطيتها كاملة و ما تجفف الشفايف زي المات. تدوم لمدة ٤ ساعات تقريبا قبل ما تبدأ تخف. و هي ماهي دائمة في ماك تصدر كل فترة و فترة. مثال: نيكد بليس، فريش ارمور، ليجندري، سيدز اوف ديزاير

ليست هناك تعليقات:

إرسال تعليق