الكولاجين

سلام حبايبي ❤️ اليوم أبغى أتكلم عن موضوع جداً مهم و ضروري كل وحدة تقرا و تفهموا عشان يفيدها و الموضوع عن الكلاجين.

ايش هو الكلاجين؟

الكولاجين هو عبارة عن بروتين مصنوع من الأحماض الأمينية الي بدورها مبنية من الكاربون، الأكسجين، و الهيدروجين. الكولاجين يحتوي على الجلايسين و البرولين و هيدروكسي برولين و أرجينين. 

الكولاجين يكون ٣٠٪ من بروتين الجسم، و هي بنيتها صلبة و توجد في كل الجسم في العضام و الأوتار و الأربطة.

الكلاجين هو جزء من الأنسجة الضامة الي في البشرة و تساعد في حفاظ البشرة على شدها و ليونتها و تجديد الخلايا. و مرة مهم للحفاظ على مرونة البشرة. 

الجلد مكون من 3 طبقات البشرة بعدين باطن الجلد و هي المكان الي في الكولاجين و بعدين اللحمة.

ايش يسوي الكولاجين؟

الكولاجين هو الي يدي القوة للبشرة و يحميها من المضار زي التلوث البيئي و الخلايا السرطانية يعني ممكن نقول انو زي الاسمنت الي يمسك كل شي و يحافظ علي. و هو اكبر مكون في الشعر و الاظافر. 

التقدم بالسن و الكولاجين

كل ما الشخص يكبر بالسن انتاج الكولاجين يبطئ و بنية الخلايا تضعف. و البشر تسير اخف و اكتر عرضة للضرر، و الشعر يسير ميت، و تظهر التجاعيد و البشرة تقل مرونتها.

شايفين في الصورة الي فوق اول شي من اليسار انتاج الكولاجين و الايلاستين عالي في الصورة الي بعدها بدا انتاج الكولاجين و الايلاستين يضعف و اخر صورة قل بشكل كبير انتاجهم و شايفين كيف البشرة تغيرت كل ما قل الكولاجين و الايلاستين.

طيب ايش ممكن نسوي عشان نحافظ على انتاج الكولاجين؟

في كم طريقة مثبتة علميا تساعد على انتاج الكولاجين:

١. فيتامين ج يساعد على انتاج و بناء الكولاجين، و بعض الاطعمة الي فيه فيتامين ج هي: الفلفل الرومي، الخضروات الورقية الغامقة زي البروكلي و الطماطم و البرتقال و الكيوي.

٢. اذا كنتي تدخني او تعسلي وقفي.

٣. ابعدي عن الشمس قد ما تقدري و احمي نفسك لما تتعرضي ليها لان الاشعة الفوق البنفسجية من اهم الاسباب الي تسرع في فقدان الكولاجين.

٤. الكريمات الي فيها الرتينوئيدات Retionls تساعد على انتاج الكولاجين و هي تخفف المواد الي تخفف الكولاجين في البشرة بعد التعرض للشمس.

٥. تقشير الوجه يساعد على ازالة الجلد الميت و الي يساعد ان البشرة تسرع انتاج الخلايا و الكولاجين. 

٦. حاولي تستخدمي مواد مضادة للأكسدة في عنايتك لانها تحمي البشرة من الجذور الحرة الي تسبب تقذم البشرة بالعمر. لان الجذور الحرة تاخد كل المواد المفيدة من الخلايا و تتركها متضررة. و مم احسن المواد المضادة للاكسدة هو الشاي الأخضر.

٧. عمل مساج للبشرة بشكل يومي يساعد البشرة على انتاج الكولاجين بشكل اكبر.

8. تنضيف البشرة و استخدام اقنعة بالكولاجين و احسن تكون عن مراكز عناية بالنسبة لسن العشرين كل 6 شهور سن الثلاثين كل 3 شهور و فوق ال40 كل شهر او على حسب احتياج البشرة.

9. أحماض الأوميغا الي موجودة في الأسماك زي السالمون تساعد على انتاج الكولاجين.

10. زيت الأفكادو استخدام الزيت على الوجه او استخدام كريمات فيها زيت الافكادو برضو يساعد على انتاج الكولاجين

و في الاخير اتمنى انكم استفدتوا من الموضوع