الأحد، 12 أبريل، 2015

العناية بالشعر المعالج بالكيراتين



السلام عليكم بنات ❤️ تكلمت قبل عن تجربتي مع كيراتين امازون و كيف سويتوا و رأي في تلاقوها في التدوينة تحت


اليوم ابغى اتكلم عن كيف تهتمي بشعرك و هو معالج بالكيراتين عشان تستمر النتيجة ان شاء الله 👍🏻

١. اول شي مى شرط تستخدمي الشامبو الخاص بالكيراتين الي يديكي هو الصالون و كدة اهم شي الشامبو و البلسم و اي منتجات تحطيها على شعرك يكون خالي من sulfates و sodium الاتنين يزيلوا مفعول الكيراتين من الشعر فا انتي حرة ممكن تستخدمي الي مخصوص للكيراتين و ممكن تختاري واحد تاني يكون خالي من المادتين الي فوق، انا عني طلبت واحد من موقع اي هيرب بس لسة ما وصلني.

٢. لما تغسلي شعرك بالشامبو غسلي بموية فاترة او باردة و بعدها غسلي من الشامبو بموية باردة عشان يدوم اكتر.

٣.  دوري في منتجات الشعر هدي المكونات: كيراتين (keratin) او كولاجين (collagen) او polypeptides و هدي تساعد على تقوية الشعر.

٤. حاولي تبعدي عن منتجات تصفيف الشعر زي الموس و الرغوة و زي كدة لان ما تحتاجيها الكيراتين الي في شعرك يكفي و هدي المنتجات راح تتقل شعرك و ممكن يخلي شعرك باهت. و اذا تبغي تستخدمي لازم تكون خالية من الباربين و السولفات و الصوديوم.

٥. تقدري تستخدمي ماسكات للشعر في بعضها مخصوصة للشعر المعالج بالكيراتين زي ما قلت اهم شي مافيها سولفات او صوديوم و يفضل من المكونان يكون في كيراتين.

٦. اذا تبغي تصبغي شعرك الافضل تصبغي قبل الكيراتين و ممكن تصبغي بعد الكيراتين ب٣ اسابيع بس اهم شي تتاكدي من المتخصصة في الصالون اذا ينفع ولا لا عشان كل علاج يختلف عن التاني. و الصبغة الي تستخدميها تكون خالية من الامونيا.

٧. حاولي تبعدي عن الموية المالحة زي في البحر و الموية الي فيها كلور زي في المسابح لانها تشيل الكيراتين من الشعر فا البسي غطا على راسك قبل ما تسبحي.

٨. غطي شعرك لما تخرجي من الشمس لان الاشعة الفوق بنفسجية اول شي تضر شعرك و تاني شي تخفف من مدة بقاء الكيراتين.

٩. ممكن تستخدمي الزيوت لشعرك عادي بس اهم شي تكون طبيعية ١٠٠٪ يعني مو مضاف عليها اي مواد كيميائية.

١٠. الافضل تستخدمي بيوت مخدة تكون حرير بدال القطن لان القطن خشن شوية على الشعر و يخلي منفوش و يعمل في تكسرات اما الحرير ناعم على الشعر و ما يعمل في اي تكسرات

و اتمنى انكم استفدتوا 💕

Stay Elegant
xoxo


ليست هناك تعليقات:

إرسال تعليق