الأربعاء، 29 أبريل، 2015

جولة سريعة في سنتربوينت قسم الأطفال (الجزء الثاني)


السلام عليكم بنات ❤️ بكمل معاكم الاشياء الي صورتها في سنتربوينت 😁 اذا ما شوفتو الجزء الأول شوفو هنا


و معليش على جودة التصوير في صور صورتها و انا مستعجلة خخخخخخ

هدي كاميرات المراقبة للاطفال مرة كويسة للي عندهم دادات (خادمة) و تضطر تترك طفلها معاهم تقدري تراقبيها و تشوفي و انتي برة 


كيوووووت 😢❤️ بفكر اجيبها لريمان 🌚


شنط الاطفال عندهم كيوت و حلوة تجي طقم مثلا الشنطة مع المهد و فرش سرير و كدة 



هدي احزمة السرة الي تتلف حولين بطن البيبي بعد ما تطيح السرة 


المخدات حقتهم مرة تعجبني 😍 حقة الاطفال اخدت وحدة لريمان لما كانت اصغر دحين كبرت عليها ما شاء الله و في اشكال كتيرة مرة



هدي للرقبة البيبي في السفر كيووووت 😫❤️


كراسي السيارات مررة شي مهم و لا تعودي الطفل يقعد في عبك في السيارة لان مرة خطر! ممكن لا سمح الله انصدمتو وقفت السيارة فجأة ممكن الطفل يطيح او يخبط لازم يتعود يقعد في كرسي السيارة. هدي الي تحت من حديثي الولادة الى سنة تقريبا او سنة ونص الحلو فيها تنشال كمان يعني تقدري تنزلي معاكي مكان تنومي في البيبي و يهز اسعارها تقريبا ٣٠٠ الى ٥٠٠ 


هدي لاعمارهم اكبر سنة وفوق 


ديه الاتنين الي تحت لتقريبا ٣ سنين و فوق عشان بس يقعد الكرسي ما ينام يعني ما تقدري تخلي وضعية النوم و الي فوق تقدري 


هدي الكراسي حلوة برضو للاطفال حديثي الولادة لما ينام تحطي في او يقعد يلعب في الين لما يبدأ يقعد



هدي المراجيح اعشقها 😍 تفك ازمة مرة! تحطي فيها البيبي و يتمرجح ممكن ينام فيها او يقعد و تطلع اصوات طبيعية زي موج البحر و عصافير و كدة او موسيقى و صوت تشويش يهدي الاطفال الين دحين انوم فيها ريمان 😁 الغفوة حقتها تنام فيها و في الليل انومها فيها و اشيلها بعد ما تنام احطها في السرير مرة حلوة 👍🏻 انا عندي هدي الكبيرة و في منها اصغر الي بعدها



هدي عربيات عجبتني عربية معاها كرسي ينفع كرسي سيارة و كرسي ينشال كمان و شنطة للبيبي



هدي كراسي تدريب الاطفال على الحمام الله يكرمكم و كمان زي العتبة عشان يوقف عليها الطفل لما يتعلم يغسل بنفسو 



احواض الاستحمام


مشايات


سيارات اطفال يا عيني علينا ايام زمان كانت صفرة و حمرة و فيها بوري بلاستيك 😂💔 دحين فروزين و هالو كيتي و شييي بفكر اجيب لريمان تقعد تفحط فيها لما تبدا تمشي 😂


هدي كراسي اطفال هزاز تقدري تنومي فيها البيبي و بعدين تقعدي في لما يبدا يقعد و تاكلي في و في منها تهز يدوي يعني انتي تهزيها و في منها معاها ريموت تشغليها و تهز من حالها 


شنط اطفال


اللوم باند الي البنات طايحين فيها 😂


هدي صناديق العاب  


هدي الحمالة الي تركبيها جهة الصدر او على ضهرك و تحطي فيها البيبي في اشكال منها برضو انا كان عندي زي هدي احط فيها ريمان لما كنت اشتغل في البيت بس مرة تتعب الضهر 😫


و بسسس اتمنى انو عجبكم الموضوع و استفدتو و اذا حبيتوا الجولات الي زي كدة يسير اسوي غيرها بعدين 😁

Stay Elegant
xoxo

هناك 6 تعليقات:

  1. يا ريت اذا عندك فكرة تتكلمي عطريقة فعالة لتنضيف البايبي من الحفاض.. بنتي عمرها سنتين و كتييير متعبتني...ما عم تقبل تعمل بالحمام ابدا :(

    ردحذف
  2. يا ريت اذا عندك فكرة تتكلمي عطريقة فعالة لتنضيف البايبي من الحفاض.. بنتي عمرها سنتين و كتييير متعبتني...ما عم تقبل تعمل بالحمام ابدا :(

    ردحذف
    الردود
    1. والله حبيبي لسة ما وصلت لديه المرحلة بس قريت انو خلي الطفل في الحمام في كرسي التدريب و خليها فترة معاها لعبة او شي تتسلى في و حاولي تشجعيها يعني قوليلها اذا عملتيها في الحمام الله يكرمك بجبلك هدية مرة حلوة و خليها تتشجع تسويها و خليها فترة الين تعملها و كل مرة جيبيلها مثلا حلاوة تحبها لعبة زي كدة الين تتعود ناوية اعملها مع ريمان ان شاء الله لما تسير سنتين

      حذف
  3. حبيبتي شكرا عالرد....ان شاء الله بجرب هالطريقة

    ردحذف
  4. ليتك صورتي السراير حقت الاطفال

    ردحذف
  5. عندك و حمالات أطفال توأم

    ردحذف