الثلاثاء، 28 أبريل، 2015

جولة سريعة في سنتربوينت بقسم الأطفال (الجزء الأول)



السلام عليكم بنات اليوم كنت في سنتربوينت بشتري اشياء لريمان و قلت اصورلكم اشياء حلوة و مفيدة خاصة للامهات 👍🏻 معليش طنشو التصوير كان سريع سريع 😂 و بالنسبة للاسعار والله ما قدرت احفظ للاسف :( بس سنتربوينت اسعارو حلوة و تناسب الكل 👍🏻 و في تخفضيات على اشياء كتيرررة

بصراحة انا ملابس بس احب البجايم حقتو للاطفال و الملابس الداخلية اما كخرجة او بربتوزات و كدة ما تعجبني صراحة ما تعيش جربتها لريمان من غسلتين تنعدم فا ما حبيتها و حتى الخامة ما تعجبني. اما كمستلزمات اطفال فا ممتازة عشانها كلها شركات عالمية فا كويسة 👍🏻 المهم نبدأ

هدي بربتوزات حلوة خامتها مرة عجبتني و اخدت منها لريمان و فيها بربتوزات حمالي (يعني حبال بدال كم) للفستاين او البلايز الي من غير كم و في كمان عندهم فنايل و ملابس تحتية حلوة للاطفال



هدي زي ملابس تحتية بلاستيك لوقت الاستحمام عشان الطفل لا يوسخ البانيو او مكان الاستحمام برضو عندي زيها لريمان عشان دايما اخليها تلعب في الموية بعدين اروشها. و في مقاسات منها فا شوفي المقاس على حسب العمر و في الوان.



هدي مفارش تغيير بلاستيك تنحط تحت البيبي عشان لا يوسخ المكان



مخدات الرضاعة حقتهم ممتازة انا في البداية اخدت وحدة من مذركير بس ما عجبتني عشانها واطية كانت تتعب ضهري اما حقت مذركير ارتفاعها مرة حلو و في مننها اشكال 



المناشف حقتهم حلوة خامتها كويسة و ناعمة تنفع كمان للكبار للوجه و الشعر 👍🏻 و في ارواب كمان للاطفال



هدي للاطفال اول ما يبدأو ياكلو زي الرضاعة تحطي فيها الاكل طبعا في البداية الاكل يكون بيوري يعني زي كريمي عشان الطفل لسة ما يتعود يهضم الاكل الصلب على طول فا هدي تحطي الاكل في الرضاعة و شوية شوية تنزلي في الملعقة و تأكلي الطفل فيها. تنفع للخروج او السفر او في البيت كمان في شكلين لقيت



هدي مطحنة يدوية للاكل تطحن الاكل بعد السلق للاطفال 



حافظات للموية الحارة 



هدي الرضاعات الي استخدمها لريمان دايما 👍🏻 ما تسبب مغص للاطفال و خالية من البي بي ايه الي هي مادة مضرة في البلاستيك في رضاعات للاطفال الي دوبهم مولودين فوق ما تخلي الطفل تعجبوا الرضاعة و يسيب صدر الام لان ضخ الحليب في نفس ضخ حليب الام 👍🏻 الي في النص عادية هي الي استخدمها لريمان طبعا انتبهوا لان المصاصة الي تجي معاه حقة عمر ٠ الى ٣ شهور خدي المصاصة لوحدها اذا طفلك اكبر انا اخد حقة ٦ شهور و فوق هي اكبر شي



هدي معقمة الرضاعات من نفس الشركة افينت



هدي للام المرضعة تحطيها في الصدر وقت النوم او الخروج عشان اوقات يطلع حليب من الصدر و ممكن يعدم الملابس فا تحطيها في البرا (صدرية) 


هدا ستاند للرضاعات تحطيها في عشان تنشف بعد الغسل


هدي مجموعة للاطفال فيها مشط و فرشة و علبة بخاخ فاضية و قصاصة و مبرد و شنطة للحفظ


هدي مجموعة تانية فيها ملعقة للدوا و قصاصة و مصاصة للدوا و ميزان حرارة و شفاطة


هدط تنحط على الزواية الحادة في البيت زي الطاولات القزاز عشان لا يخبط فيها الطفل و يتعور


و هدي للدواليب و الادراج عشان لا يفتحها كلها الطفل و يلعب فيها 🌚


فرشة اسنان و فرشة لي لثة الطفل عشان تنضفيها لان هدا شي مهم مرة كتير امهات يغفلوا عنو


طقم اكل للاطفال فيلو صحون و ملاعق و كاسة للعصير او الموية و مريلة بلاستيك فيها جيب عشان يطيح فيها الاكل مرة حلوة لما تبداي تاكل الطفل


جهاز عشان تسمعي الطفل لما يبكي لما تحطي في غرفة تانية ينفع للامهات الي اطفالهم في غرف لوحدهم


الي فوق تحمي الحليب للاطفال اذا سويتي برضاعة و برد تقدري تدفي في هدي و الي تحت معقمة رضاعات


هدي حافظات للاكل للاطفال تقدري مثلا اذا سويتي اكل للطفل و كان كمية كبيرة تقدري تحفظي فيها و تدخلي التلاجة او الفريزر عندي زيها لريمان 👍🏻


مصاصة للدوا تقدوي تحطي فيها الدوا و تديها الطفل يمص الدوا 


هدي لعبة حلوة للطفل 😁 جبت لريمان زيها زمان تركبيها في رجول او يد الطفل و حلوة انها تخلي الطفل ينتبهلها لانها تسوي صوت زي الشخليلة و يمسكها و يتعلم يوازن بين حركة عينو و يدو


اكياس تحطي فيها الحفاضة و ترميها عشان لا تعمل ريكة الله يكرمكم فيها ٧٥ كيس 


و هدي مرايل بلاستيك تستخدم و تترمي تكلمت عنها قبل في حسابي بس هدا نوع تاني


هدي للركب تنفع للطفل لما يبدا يحبي عشان لا تسود الركب 🌚 و كمان اذا البيت سيراميك او رخام ما يتزحلق منو 👍🏻 في اشكال منها


هدي كتير شفتهم يسالو عنها في انستقرام هدي للاستحمام تلبسيها الطفل عشان الموية و الشامبو ما يجي علي عينو 


الكوافيل حقتهم تعجبني 😍 اشكالها مرة حلوة و في منها الوان و اشكال كتيرة و خامتها ممتازة


و البطانيات حلوة و في خامات و في شي تقيل و شي خفيف و في صوف جدا حلوة



بكمل الباقي بكرة ان شاء الله لان ما شاء الله الصور كتير 😂 و ما ابغى الموضوع يكون طويل و تقيل 

Stay Elegant
xoxo

ليست هناك تعليقات:

إرسال تعليق