الاثنين، 4 مايو، 2015

مشتريات من اي هيرب خاصة لريمان



السلام عليكم حبايبي ❤️ اشتريت من اي هيرب اشياء لريمان هدي المرة 😁


اول شي اليمين كريم للاكزيما عشان ريمان عندها اكزيما خفيفة في جسمها و ما ابغى استخدملها علاجات فيها كرتزون فا اخدت هدا من اي هيرب خالي من الستريود و العطور و الكرتزون و شركة افينو مختارة من قبل الأطباء و مقبولة من اتحاد الاكزيما العالمي. و اليسار كريم ترطيب للاطفال من شركة افينو برضو.

كريم الترطيب سعرو ٣٣ ريال و كريم الاكزيما ٦٢ ريال



ريمان مرة تابعتني في الاكل ما ترضى تاكل خضار و سارت تبغى تاكل بنفسها لما احاول اكلها انا تطلع روحي عشان تاكل لقمة 😢 و الخضار تحلف ما تاكل فا بحاول معاها و في نفس الوقت قلت احاول اعوضها الخضار باي طريقة فا طلبتلها اكل و سناكس بالخضار. و كل الي اخدتو خالي من المواد الحافظة او الالوان و النكهات الصناعية يعني النكهات المستخدمة كلها طبيعية.

اول شي رايس كيك (كيك الرز) بالجزر هو يجي كدة ناشف زي البسكوت سعرو ١٥ ريال



هدا فش فاش بالجبن و الجزر مصنوع من حبيبتت الذرة الكاملة ١٥ ريال



هدا فود بار يجي زي الساندوتش كدة مصنوع من القمح الكامل و في بذور الشيا و لبن و محشي فراولة و سبانخ ١٩ ريال



بسكوت رز بالجزر ١٩ ريال



بسكوت بالتفاح الاخضر و الكرنب و السبانخ ٢٣ ريال



اخر شي عشان بدات تسيب الحليب بالقوة ترضى تشرب رضاعة وحدة في اليوم فا قلت اخدلها شوكلاته اضيف شوية يمكن ترضى تشرب بس اخدت الي في نسبة سكر خفيفة طبعا نسكويك موجود عندنا بس نسبة السكر في عالية هدا اقل و انتبهت اني طلبت علبتين بالغلط مدري كيف 😂 ٢٣ ريال



في الاخير حبيت انبه على نقطة انا ريمان ما باكلها اكل صحي كلو ١٠٠٪ برضو اديها اوقات خرابيط 😂 يعني شوكلاته بسكوت عادي بالشوكلاته بس ما بكترلها منو في الاخير هي لسة سنة و سن نمو انا برضى بحاول احرص ان تكون مناعتها قوية و تاكل اشياء صحية و الدكتور قالي حاولي باي طريقة تديها كل شي انو يعني الخضار تدخل جسمها باي طريقة و انا مرة متعبتني في الخضار بس الخيار الي ترضى و تشرب مويتو و تطلع الباقي 😂 فا مدام هي تبغى تثبت شخصيتها و تاكل بنفسها انا بشجعها عشان كدة جبتلها اكل تاكلو بنفسها 😁

و اتمنى استفدتوا 💕

Stay Elegant
xoxo

هناك 7 تعليقات:

  1. حبيبتي بالهنا عقلبها ❤

    ردحذف
  2. حبيبتي بالهنا عقلبها ❤

    ردحذف
  3. عليها بالعافية الأميرة الصغيرة

    ردحذف


  4. شكرا على البلوق الحلو
    وهذا رابط كود التخفيض عشرة بالمية خصم على مشترياتك في اي هيرب للي مايعرف يحط الكود مباشره اضغطي هنا وبيتفعل تلقائي
    http://www.iherb.com?rcode=PPT610

    وهذا كود خصم ثاني PPT610

    ردحذف
  5. ما شاء الله، تبارك الله
    بالعافية عليها الكتكوتة

    ربي يحفظها ويبارك فيها :$

    ردحذف