الخميس، 28 مايو، 2015

منتجات كلور بوب




السلام عليكم حبايبي ❤️ اليوم بعمل ريفيو عن منتجات كلور بوب المشهورة. الشركة انشهرت باسعارها الرخيصة و الي بمتداول الجميع و جودتها العالية و حتى حبيت فكرة الارواج و الباكجنغ حقها فكرتها حلوة 👍🏻 و جربت منهم الارواج و الشادور و البلاشرز و هدا رأي عنها 😍

أول شي الأرواج طلبت ٤ ألوان، طبعا هم عندهم ارواج مات، ساتن، كريمية، هايبر قلوس. انا طلبت واحد مات و ٣ ساتن و هدي الألوان و الدرجات




لونها مرة قوي و تبان على طول السواتشات من مسحة وحدة بس و ثباتها يعتبر عالي بين ٤ الى ٥ ساعات تقريبا و يخف شوية مع الاكل. تعتبر من الأرواج الممتازة صراحة 👍🏻. كتير يقارنها بارواج ماك انها ارخص و نفس الجودة بس في نقطة حبيت انبه عنها، صح ارواج كلور بوب ارخص بس كمية المنتج الموجودة اقل بكتيررررر من روج ماك و الباكجنغ اخف بكتير يعني تقريبا ٣ ارواج من كلور بوب عن روج واحد من ماك و لو قارنتو من دي الناحية الفرق حيكون ٢ دولار بينهم 😂 فا بصراحة مافي مقارنة كل شركة غير عن التانية. 





تاني شي الاي شادوز 😍 هي اكتر شي عشقتها الوانها مرة روعة و واضحة حتى من غير برايمر، افضل طريقة تحطيها باصباعك خاصة الي فيها شيمر. ملمسها غريب كدة كريمي على مخمل مرة ناعم و جميل 😍 مرة حبيتها خاصة درجة Tea Party رائعة و ثباتها عالي رحت زيارة و قعدت تقريبا ٧ ساعات اللون واضح ما خف او اي شي 




اخر شي البلاشرز برضو نفس الملمس كريمي على مخملي و ثباتها عالي و لونها واضح و برضو اذا تبغي لون واضح حطي باصباعك بس اذا تبغي اللون خفيف استخدمي الفرشة يدي لوك طبيعي عندي درجتين وحدة بيبي بينك و وحدة على مشمشي او خوخي اسماء الدرجات في الصورة فوق

بشكل عام حبيت الشركة و ناوية اجيب منها الوان زيادة خاصة الارواج و الاي شادوز و ناوية اجرب المحددات و الاضاءات الجديدة 😍 

بالنسبة لعيوبها لاحظت انها مرة حساسة! يعني من اقل خبطة اللون ينكسر اخدت شادو معايا مرة و رجعت لقيتو مكسور بس الحمدلله كسر خفيف ما اثر على اللون و لاحظت كتير تاجرات يشتكو يوصلهم اللون مكسور فا انتبهو من ديه الناحية.



و كمان الباكجنغ شوية خفيف و واحد من البلاشرز لما فكيتو طلع اللون من مكانو ما كان مثبت صح فا هدي عيوبهم و بس ❤️

Stay Elegant
xoxo

هناك تعليقان (2):

  1. حمستيني عليهم :"(
    طلبتهم من الموقع تبعهم بس لسى بالبريد ما شحنتهم للقصيم :$

    ربي يسعدك

    ردحذف
    الردود
    1. ان شاء الله توصلك بالسلامة! جدا جميلة صراحة

      حذف