ايش في شنطة يدي حقة السفر و شنطة المكياج حقتي

ملاحظة:سامحوني التصوير لسة سيئ بس قاعدة اتدرب لسة على التصوير و الخلفية ماهي عاجبتني ناوية اجيب خلفية تانية تكون على فلينة عشان يسير منظرها اجمل

السلام عليكم حبايبي ❤️ بعد كم يوم ان شاء الله مسافرة على باريس و لندن و قررت انزلكم كم بوست عن السفر و الاشياء الي تاخديها و تحتاجيها و كدة و هدا اول واحد.

حيكون عن الاشياء الي حتكون في شنطة يدي في السفر ان شاء الله 😁 انا جبت شنطة كبيرة عشان احط فيها اغراضي و اغراض ريمان بدال اشيل شنطتين و حوسة خخخخخ فا هدي اغراضي

اول شي نظارتي الشمسية 😎 عشان حكون محجبة فا احتاج نظارات طبعا 😁 حقتي من دولتشي اند غابانا اخدتها من كم سنة

بعدين هدي كم شي منوع زي شنطة صغيرة عشان احط فيها الفلوس لان ما راح اخد محفظتي عشانها كبيرة و ما راح استفيد منها اصلا 😂 فا اخدت شنطة صغيرة للفلوس و كمان لندن فيها عملات كتير فا احتاج شنطة زي كدة. و كمان حاخد مناديل ديتول ضروري تكون معاكي دايما، علبة صغيرة للبنس عشان الحجاب و شعري، حلاوة فيكس، ادول عشان عندي شقيقة و دوا القولون حقي 🌚💔.

و كمان حاخد كريم واقي عشان زي ما قلت حنوصل في النهار يسير احط لوجهي و يدي، و كريم يدين مستحيل ما يكون معايا دايما و كريم للكيوتكل (جلد حولين الظفر)

عطر و الايبود حقي بس يبغالي اجيب سماعة ريمان الله يجزاها خير قطعت حقتي 🌚

دفتر اكتب في اشياء ابغاها و اماكن ابغى ازورها و ملاحظات و قلم طبعا 😁 

مرايا كبيرة 😁 حقتي من دايسو

طبعا حاخد كمان مناديل عادية لازم دايما اشيل معايا و حاولي تاخدي اشياءك الضرورية مرة و تخففي قدما تقدري عشان ما تتعبك الشنطة و انا راح انزل موضوع عن نصايح للسفر ان شاء الله اليومين هدي راح يفيدكم اكتر ان شاء الله

دحين نجي لشنطة المكياج و ايش حاخد معايا

راح اخد: بي بي كريم، كونسيلر و كوركتر من ماك، منظف سريع للفرش، ماسكرا كفر قيرل، برونزر ذي بودي شوب، بودرة لوريال، فيكس بلس، مرطب شفايف اذا استخدمت ارواج بس انا ناوية استخدم مرطبات ملونة عشان تريح اكتر 😂 بس اذا جا في بالي اخذت كم روج سايلة ٢ من كلور بوب و واحد من انستازيا، بلاشر كريمي من ميبيلين، قلم حواجب، قلم لجوة العين من انستازيا و مصحح مكياج من ايلف.

و بس هدي اغراضي بس شنطة المكياج راح احطها في شنطة الملابس عشان راح ادخل اغراض ريمان معايا عشان ما يكفي قرنبع ريمان اكتر مني 😂

Stay Elegant

xoxo