السلام عليكم حبايبي ❤️ اليوم بنزلكم مشتريات من موقع اي هيرب ليا و لريمان و ريماس (حابة انبه هنا لشي سريع كتير تجيني في اسئلة 😂 ريمان بنتي عمرها سنة و شوية و ريماس بنت زوجي من طليقتو عمرها ٩ سنين و ساكنة معايا)
اول شي اغراضي، اخدت شامبو و بلسم بالبايوتين المفروض يكثف الشعر فا بجرب 😁
و اخدت كمان فيتامينات البايوتين جرعة ١٠ الاف انا كان عندي جرعة ٥ الاف و تكلمت عنها هنا
دحين اخدت جرعة اعلى و اخدت كمان منظف سريع للفرش من مينرال فيوجين و كمان من نفس الشركة اخدت بي بي كريم و اخدت مرطبات بلون من اول نفس اجرب هدي المرطبات فا اخترت الي فيها لون
و اخدت هدا الباليت من ايلف مرة عجبتني الوانو 😍
بعدو مشتريات ريماس، هي شعرها كثيف ما شاء الله تبارك الله بس كيرلي مجعد و جاف فا حاولت ادور شي يناسبها فا اخدت هدي المجموعة من شركة البا بالقاردينيا ينعم الشعر اخدت الشامبو و البلسم و الماسك و شامبو للقشرة من جاسون عشان عندها قشرة و انا كمان فا نستخدمو مع بعض و كريم للشعر الكيرلي من مينيرال فيوجن
و ريمان اخدتها غسول للجسم للي عندهم اقزيما اول جبت الكريم و مرة عجبني يخففلها الاقزيما مرة و هدا غسول منو و ليف ان كونديشنر (بلسم يترك في الشعر ما يتغسل) لان شعر ريمان زي ناعم و كرلي و في نفشة فا تحتاج ترطيب و جبتلها شامبو من نيتشر قيت هو غسول و شامبو مع بعض بس جبتلها حق الاقزيما فا راح استخدموا لشعرها بس
اخر شي جبت سناكس لريمان و ريماس اخدتلهم مصاصات عضوية من غير ملونات صناعية او منكهات صناعية و فيها فيتامينات و كلها مصنوعة من منكهات طبيعية و اخدت فش فاش ليهم بالطماطم و الخضار برضو مافي اي مواد ضارة و لريمان بسكوت اطفال بالفانيلا و الشوكلاته برضو عضوي و مافي مواد ضارة و ريماس اخدت بطاطس نسيت اصورو 😂
و بس هدي المشتريات و اكيد بجربها و اتكلم عنها 👌🏻
Stay Elegant
xoxo
ليست هناك تعليقات:
إرسال تعليق