الجمعة، 18 سبتمبر، 2015

رأي في مجموعة Burt's Bees Tips and Toes Kit





السلام عليكم حبايبي ❤️ من أول نفسي اجرب شركة بيرتس بيز لان عليها مدح كبير و الشركة منتجاتها طبيعية و انا احب الشركات الي كدة. و لما رحت لندن اخدت هدي المجموعة فيها احجام صغيرة من منتجات خاصة لليدين و الارجل. جربتها كلها و هدا راي فيها:

اول شي حسيت في عامل مشترك بين المنتجات كلها الي هي الريحة! عشانها طبيعية فا ريحتها ماهي حلوة بعضها تمشي الحال و بعضها لا تطاق!

Almond & Milk Hand Cream




كريم لليدين باللوز و الحليب، ريحتو سيئة سيئة سيئة! ما قدرت استحملها مرة حطيتو و حسيت اني مت من الريحة و على طول غسلت يدي! مرة ما قدرت اجربو كويس بسبب ريحتو بس شكلي بشيل الكريم و استفيد من العلبة شكلها كيوت خخخخخخ بس ما انصح في ابدا 👎🏻

Honey & Grapeseed Hand Cream





كريم لليدين بالعسل و بذور العنب، ريحتو عادية ماهي سيئة و ماهي حلوة ترطيبو حلو لليدين و تمتصوا البشرة بسرعة و عجبني صراحة اخدو معايا لما اخرج في النهار عشان مافي عطور. فا انصح في 👍🏻

Coconut Foot Cream



كريم للأرجل بجوز الهند ترطيبو ممتاز و ريحتو جوز هند بس مررررة يدبق او يلزق زي فازلين بس اسوء و ما يمتص بسرعة تقعد رجلك فترة مرة مدبقة فا لازم تلبسي شراب. ما حبيتوا بسبب هدا الشي لاني ما احب الكريمات الي كدة مرة تقشعرني خخخخخ المهم اني ما انصح في 👎🏻

Lemon Butter Cuticle Care



اكتر منتج عجبني في المجموعة كلها ❤️ زبدة الليمون للعناية بالكيوتكل (جلد حولين الظفر) مرة يرطب الكيوتكل و يعالج الجفاف و ريحتو ريحة ليمون فا كويسة، من جد حبيتو و مرررة روعة و انصح في بقوة 👍🏻

Hand Salve



مرطب غني لليدين بزيت اللوز الحلو و الزيتون و شمع النحل و زيوت و مرطبات تانية. ترطيبو مرة ممتاز و قوي ريحتو عادية مرة بس يدبق اليد شوية يعني زي فازلين (ما عندي تشبيه غيرو خخخخ) استخدمو قبل النوم و اوقات البس قفازات و انام. عجبني برضو لليدين بس عشان تحتاجي كمية منو فا تقريبا خلصت العلبة من ٣ استخدام! انصح في 👍🏻

Lip Balm



من الاشياء الي مرررة عجبتني برضو، بنكهة الرمان بس مافي طعم رمان صراحة خخخخ بس ترطيبو عاااالي مرة و روعة استخدمو دايما قبل الارواج يرطب الشفايف بس بدون ما يخليها تلمع فا يسهل انك تحطي الارواج المات. طعمو مو حلو صراحة و ريحتو ماهي قد كدة بس ترطيبو رائع فا شفعلوا خخخخخ انصح في مرة 👍🏻

و هدا رأي في المجموعة كاملة

اتمنى انكم استفدتوا

Stay Elegant
xoxo

هناك تعليق واحد: