السلام عليكم حبايبي ❤️ الاسبوع الي فات اشتريت كم حاجة كان نفسي فيها 😍 فا حبيت احطها في تدوينة لوحدها و انا احب اشوف فيديوز و تدوينات المشتريات خخخخ فا ان شاء الله انتى زيي!!
مشتريات من ماك
اخدت اول شي الكلنسغ اويل هو زيت لتنظيف الوجه من الميك اب شفت علي مدح فا حبيت اجربو. اخدت كمان ستروب كريم هو زي كريم الترطيب تحطي قبل الميك اب يخلي الوجه يطلع ديوي.
سعر الكلنسغ اويل ١٣٤
سعر الستروب كريم ١٦٧
اخدت كمان بلاشر موكا و سعرو ١٢٩
و اخدت روجين Captive الفينش حقتو ساتين و روج Craving الفينش حقتو امبلفايد و هدي سواتشات للالوان
سعر الروج الواحد ١٠٨
و اخر شي فاونديشن ماتش ماستر اخدت درجة ١ و سعرو ٢٠٥
مشتريات من Make Up Forever
اخدت باليت الي يجي في مكانين و اخدت لونين الاتنين شيمر اليمين دهبي غامق على بني و التاني بني محمر عجبني انو الشيمر خفيفة شوية ماهي واضحة مرة. و اخدت روج مات مرة حبيت لونو ❤️ و هدي سواتشات للالوان
سعر الباليت ٣٥ ريال
سعر الشادو ٨٥ الواحد
سعر الروج ١١٠
مشتريات من سيفورا
اول شي اخدت كونسيلر نيكد سكين الي الكل مدحو! درجة Light Warm سعرو ١٣٩ و اخدت برايمر اربن ديكي الخاص للخطوط لان عندي خطوط خفيفة تحت العين سعرو ١٢٧
اخدت هدي الاداة الي تحطي على جفنك و تحطي الماسكرا عشان تحمي العين و ما تخلي الماسكرا تجي على الجفن خاصة اذا مسوية ميك اب العيون خلاص وقتها تسير ام الحوسة خخخخخ سعرها ٢٣
بلاشر بنفيت روكتير من اول نفسي في 😍 لونو مرة جمميل كدة خوخي على بمبي محروق (مدري هدا لون ولا لا خخخخخ) زي كدة تقريبا و في شيمر خفيف مرة سعرو ١٦٥
و اخدت قلم الشادو اكوا ماتك عجبني مرة لونو روزغولد جميييل و سعرو ٧٥
مشتريات من صيدلية وايتس
اول شي اخدت كريم عيون مدحتو ليا اصول البنات بس سعرو عور قلبي خخخخ بس اهم شي يجيب نتيجة ان شاء الله سعرو ٣٦٩
و اخدت بدورة توبيك الي تعبي فراغات الشعر و سعرها ٤٥ ريال الحجم الصغير و اخدت مناكير من ايسي انا ما احب الماركة ديه خخخ بس ما لقيت غيرو عشان كنت ابغى هدا اللون سعرو في العشرين تقريبا
و مزيل مكياج العيون من ميبيلين ناسية سعرو والله
مشتريات من Boots
اخدت اول شي ماسكرا ضد الموية عشان ابغى اجرب شي فيها لما يزبط اقلكم خخخخخخ و اخدت مناكير من برجوا سعروا اعتقد في الاربعين اذا مو غلطانة و بخاخ موية الورد من بوتس مرة احبو و هدي تاني علبة سعرو ٤٠ ريال
مشتريات شنط
اول شي شنطة و محفظة من Sembonia كان عليهم تخفيض الشنطة كانت ٨٤٠ تقريبا و سارت ٤٢٠ و المحفظة كانت ٣٠٠ و شوية سارت ٢٢٠ ريال مرة حبيتها ❤️
و شنطة من Dune كانت ٤٢٠ سارت ٢٢٠ ريال لونها يجننننن
و بس هدي مشترياتي ❤️
Stay Elegant
xoxo
تحمسين الواحد يروح السوق و يشتري 😂 الله يهنيك يارب 💋💘💘.
ردحذف