الاثنين، 9 نوفمبر 2015

السيلكون سيئ أو جيد للشعر؟



السلام عليكم حبايبي ❤️ من فترة طويلة و انا ابحث عن موضوع السيلكون لان كتير قريت ان السيلكون سيئ للشعر و يعدم الشعر بس في نفس الوقت كتيررر منتجات الشعر خاصة الي تكون للشعر النافش و الجاف فيها سيلكون و بما ان شعري نافش و جاف فا كانت هدي مرة مشكلة ليا.

فا قعدت ابحث في الموضوع و قريت مقالات كتيرة عن موضوع السيلكون و هدي نتيجة ابحاثي يعني المعلومات كلها من تجميعي ماهي من عقلي 👍🏻


اول شي السيلكون وظيفتو هي بس يغلف الشعرة و يدي مظهر الشعر الصحي و الناعم فا تحسي النفشة خفت و الشعر شكلو احسن.

طيب كيف تعرفي اذا المنتج في سيلكون؟ باختصار اقري المكونات و اي مكون فيلو cone - col - conol - zane معناها سيلكون. لكن السيلكون في منو نوعين: نوع يذوب في الموية و يروح لما تغسلي شعرك بالموية و نوع ما يروح بالموية لازم تستخدمي السولفات او منتج في السولفات عشان يروح و السولفات الكل متفق انو مرة مضر للشعر و هو الي يدي رغوة للشامبو و يستخدم في منظفات الصحون و الملابس! 

و النوعين تغلف الشعرة فا المشكلة في نوع السيلكون لان مو كلها سيئة و كمان طبيعة شعرك اذا خفيف او ثقيل لان مثلا لو شعرك مرة خفيف او نفس الشعرة خفيفة و استخدمتي منتجات فيها سيلكون بكثرة او نوع السيلكون قوي او ما يذوب راح تتراكم ترسبات في الشعر و تخلي الشعر ثقيل او يضعف الشعر و ما راح يتحملها. الي شعرهم ثقيل شعرهم راح يتحمل اكتر بس برضو في نوعيات سيلكون تسبب تراكمات و ثقل للشعر.

انواع السيلكون الي تذوب في الموية

Dimethicone Copolyol
Lauryl Methicone Copolyol
Hydrolyzed wheat protein (Hydroxypropyl Polysiloxane)

Any Silicone with PEG as a prefix

انواع السيلكون الي ما تذوب في الموية

Trimethylsilylamodimetheicone
Dimethicone
Phenyl Trimethicone
Cetearyl Methicone
Dimethiconol
Amodimethicon
Stearyl Dimethicone
Cyclomethicone
Cetyl Dimethicone
Cyclopentasiloxane
Behenoxy Dimethicone
Stearoxy Dimethicone

طيب هل نبعد عن السيلكون نهائي ولا لا؟ الاعتدال اهم شي! يعني تقدري تستخدمي منتجات فيها سيلكون بس باعتدال يعني مو بشكل يومي و يكون نوع السيلكون يذوب في الموية و لا تخلي كل منتجاتك فيها سيلكون. 

كمان ضروري كل شهر تستخدمي شامبو منقي لشعرك بكدة انتي تزيلي اي بقايا سيلكون او منتجات ثانية من شعرك كمان اذا انتي تستخدمي منتجات شعر بشكل كبير لازم هدي الخطوة بس بعد الشامبو المنقي لازم تستخدمي بلسم مرطب لان الشامبو المنقي يشيل كل شي من شعرك حتى الزيوت الطبيعية فا راح يخلي جاف.


في الاخير لاحظت ان صعب تبعدي بشكل نهائي عن المنتجات الي فيها سيلكون و هدي ملاحظة شخصية. انا ليا قريب السنة ما استخدم منتجات فيها سولفات و باربين و لاحظت شعري تحسن و لما بعدت كمان عن السيلكون نهائيا شعري في البداية كان عادي بعدين فجأة سار شعري طول الوقت نافش و مهما جربت منتجات برضو نافش و سرت مرة تعبانة منو! فا رجعت ادخل كم منتج فيها سيلكون بس سرت اتابع اي نوع السيلكون الموجود و خليت الشامبو و البلسم من غير سيلكون و رجع تحسن شعري.

اذا انتي مرة ضد السيلكون و ما تبغي تستخدمي مرة في بدائل تانية طبيعية تدي نتيجة السيلكون تقدري تجربيها مثل: جل الالوي فيرا و جل بذور الكتان.

فا انتي تقرري ايش الاحسن لشعرك و اهم شي الاعتدال في الاستخدام و طبيعة شعرك قارني بين استخدامك لمنتجات بسيلكون و بين استخدامك لمنتجات من غير و شوفي شعرك كيف يتفاعل في الحالتين.

و اخيرا اتمنى الموضوع يكون افادكم ❤️

Stay Elegant
xoxo

هناك 6 تعليقات:

  1. موضوعك روعة بس يا ريت تعطينا اسماء مناجات خالية من السيليكون او فيها سيليكون قابل للذوبان في الماء؟

    ردحذف
    الردود
    1. ان شاء الله يا قلبي ولا يهمك راح انزل صور لمنتجات في اقرب وقت ❤️

      حذف
    2. ايوه الله يسعدك يارب.. منتجات فيه سليكون قابل للذوبان .. لأنه انا نفس شعرك ونفس مشكلتك دحين باارجع لمنتجات السليكون ولكن مش عارفه اش اختار منها

      حذف
  2. أزال المؤلف هذا التعليق.

    ردحذف
  3. كل هالكلام اشاعات وتهويل الله يهديكم بس

    ردحذف