الاثنين، 15 فبراير، 2016

الاساسيات في الميك اب و ايش تحتاجي؟




السلام عليكم حبايبي ❤️ اول شي اسفة على التاخير بس مريت بظروف خارجة عن ارادتي. و اليوم نكمل موضوعنا و الي ما شاف الجزء الاول يشوفوا في الرابط تحت 👇🏻

مصطلحات المكياج + نصائح عامة للمبتدئات

اليوم راح اتكلم عن الاساسيات الي راح تحتاجيها عشان تبداي في الميك اب و الماركات الكويسة الي تقدري تاخدي منها و كلها الماركات حتكون درغستور 👍🏻 راح اكتب كل شي و انتي شوفي اذا تحتاجي هدا الشي او لا انتي احكمي بنفسك لان صعب اقول كل وحدة ايش تحتاج لان يختلف من بشرة لبشرة و من ذوق لذوق فا الافضل تقدري كلامي و تختاري احتياجك بنفسك ❤️

انا حتكلم عن الماركات الي اكون جربتها في ماركات ما قيد جربت منها شي فا ما اقدر احكم زي اسادورا. 

١. الفاونديشن: اول شي لازم تعرفي نوع بشرتك لان كل بشرة ليها نوع معين يناسبها مثلا الدهنية لازم الفاونديشن يكون من غير زيوت و مات و الجافة يكون في نسبة ترطيب زي كدة. و بالنسبة للتغطية على حسب بشرتك اذا فيها عيوب تبغي تغطيها خدي شي تغطية متوسطة الى عالية و اذا بشرتك ما تحتاج تغطية خدي فاونديشن تغطيتو خفيفة او الافضل تستخدمي بي بي او سي سي كريم لان راح يكون اخف على البشرة. و افضل ماركات للفاونديشن: لوريال و برجوا و ريفلون.

٢. الكونسيلر: التغطية برضو على حسب اذا تحتاجي تغطية عالية او خفيفة و اذا بشرتك ما تحتاج بلاش تستخدمي كونسيلر. افضل الماركات: ميبيلين، نيكس، ريمل.

٣. الكوريكتر: تحتاجي اذا عندك عيوب مثلا هالات سودة او حبوب و اذا ما تحتاجي بلاش تستخدمي و ما انصح في للاستخدام اليومي لان الكوركتر ثقيل. افضل الماركات: نيكس.

٤. الارواج: هدي تعتمد كليا على ذوقك ايش تحبي الوان شي تحبي مات او كريمية او قلوس تحبي السايلة او العادية، اختاري الي يعجبك طبعا و كل الماركات ليها ارواج كويسة بس انا احب ميبيلين و ريمل و نيكس.

٥. الماسكرا: طبعا هي من الاساسيات الي الكل يستخدمها و افضل الماركات: ميبيلين و لوريال و ماكس فاكتر

٦. البلاشرات: برضو تعتمد على ذوقك تحبي كريمية او بودرة (بس اذا مبتدأة انصحك تستخدمي بودرة) و على حسب الالوان الي تفضيلها الوردي او الاورانج او المشمشي و افضل الماركات: نيكس و لوريال و ريمل و فلورمال.

٧. البرونز: يعتمد على حسب اذا تحبي تستخدمي او لا انا عني جدا احب و ما استغني عنو لان احس يدي دفئ للبشرة بس اذا ما تحبي ماهو اساسي. افضل الماركات: فلورمال و نيكس و برجوا.

٨. محددات الشفايف: انا صراحة احسها مو ضرورية و بدات استخدمها من كم شهر ههههه بس في ناس ما تستغني عنها. هي حلوة قبل الارواج الكريمية عشان تثبتها اكتر و قبل الارواج السايلة تساعد لما تحطيها و في ناس تستخدمها على شفايفها بشكل كامل بس عيبها تجفف الشفايف مرة. افضل الماركات: نيكس و ريمل و برجوا.

٩. الاي لاينر: انا مو من محبين الاي لاينر صراحة مرة ما استخدم فا ما احسو ضروري بس البعض برضو ما يستغني عنو هدا شي يرجع ليكي اذا تحبي عينك مرسومة او لا. افضل الماركات: لوريال و نيكس و ريمل.

١٠. منتجات الحواجب: البعض يحتاج يرسم حواجبو و بعضهم ما شاء الله ما تحتاج ممكن بس تحتاج ترتيب. نوعية حاجبك هي الي تحكم، مثلا حواجبك كثيفة بس تحتاجي ترتيب تقدري تستخدمي ماسكرا حواجب بس. اذا حواجب خفيفة يسير لازم ترسميها و الطريقة ترجعلك عندك اقلام او جل او بودرة بس اذا تبغي شي للاستخدام اليومي الافضل جل او بودرة و في الاخير تستخدمي الماسكرا. اذا تبغي بودرة تقدري تستخدمي بودرة حواجب او لون بني من اي باليت ظل عندك يناسب لون حواجبك. افضل الماركات: نيكس و ريمل 

١١. الاي شادو: يعتمد على ذوقك بشكل كامل اذا تحبي الترابيات او الوردي او الموف كلو يرجعلك و برضو اذا مات او شيمر. للاسف مافي باليتات كويسة موجودة في الدرغستور عندنا بس باليتات لوريال. الباليتات الي انصح فيها مرة هي مورفي سعرها رخيص ١٤٠-١٦٠ ريال و فيها تقريبا ٣٠ لون و في انواع كتير تقدري تستخدمي الي تعجبك بس ماهي متوفرة عندنا تلاقوها عن التاجرات. في ماركات عندها شادوها مفردة او باليتات صغيرة يكون في لونين او ٤ زي نيكس و لوريال.

١٢. اقلام العيون: احسها من الاشياء الاساسية الي تجمل العين بس اللون انتي تختاري مثلا انا احب يكون بيج او ملونة و ابدا ما يناسبني الاسود لان يصغر عيني مرة و عيني صغيرة اصلا فا الالوان ترجعلك. افضل الماركات ريمل و نيكس و ميبيلين

١٣. البرايمر: احسو اساسي اذا عندك مسامات واسعة لان اكتر شي يفيد مع المسامات. ابدا ما ينفع للاستخدام اليومي. و ممكن كمان يساعد البشرات الدهنية عشان يطفي البشرة. بالنسبة لبرايمر العيون مهم اذا جفنك دهني عشان يثبت الاي شادو و برضو تقدري تستخدمي الكونسيلر كبرايمر. افضل الماركات: لوريال و نيكس و ريفلون.

١٤. البودرة: مهمة للبشرات الدهنية و المختلطة عشان هي راح تساعدك تخلي الفاونديشن او البي بي كريم مات و تخفي اللمعة و تثبت الفاونديشن لوقت اطول. انا استخدمها لما احس البلاشر او الكونتور مرة قوي فا اخفف بالبودرة اذا انتي من النوع الي يتحمس زيي اوقات لازم عندك ههههههه و ممكن تستغني عنها انك تستخدمي فرشة او اسفنجة فيها بقايا فاونديشن و تمشي على البلاشر او الكونتور. افضل الماركات: لوريال و نيكس و ميبيلين.

و بكدة اكون خلصت و اسفة اذا الموضوع كان طويل بس حبيت اتكلم عن كل شي عشان الكل يستفيد ان شاء الله

Stay Elegant
xoxo

هناك 7 تعليقات:

  1. بالبحث عن جميع شركات رش المبيدات ومكافحة الحشرات بالدمام واعداد قائمة بافضل وارخص الشركات هنا.
    شركة مكافحة حشرات بالدمام خدمة مميزة تقدمها لك شركة البيت المثالي بمدينة الدمام باعلي جودة وافضل الاسعار التي تناسب جميع العملاء نحرص على استخدام المواد الآمنة على صحة الإنسان في إعداد مواد و مبيدات مكافحة الحشرات بكافة أشكالها لإبادة الحشرات بشكل
    شركة مكافحة حشرات بالخبر وهناك المزيد من الاعمال المختلفة لمكافحة الحشرات والتى تقدمها بافضل الطرق الحديثة التى تضمن لعملائنا المكافحة الامنة والسريعة للحشرات مع ضمان


    شركة رش مبيدات بالجبيل
    شركة عزل اسطح بالجبيل
    شركة مكافحة الحمام بالدمام

    ردحذف