الثلاثاء، 23 فبراير، 2016

محتويات الماجيك بوكس من موقع فانيلا

السلام عليكم حبايبي ❤️ اليوم راح انزلكم محتويات صندوق ماجيك بوكس من موقع فانيلا



اول شي موقع فانيلا اعتبرو افضل موقع عربي للتسوق لانو منوع في ملابس، اكسسورات، شنط، ميك اب الخ و اتعاملت معاه اكثر من مرة و تعاملهم رائع و يهتموا بادق التفاصيل. 

و كل بضايعهم اصلية 👍🏻 تعاملت قبل مع مواقع عربية طلعت للاسف تقليد و كاتبين اصلية اما موقع فانيلا فا تعاملت معاهم كم مرة و كلها اصلية. و هدا رابط الموقع حقهم

http://vanilla.sa

بالنسبة لصندوق ماجيك بوكس هو صندوق شهري في اشياء منوعة من منتجات عناية او ملابس او اكسسورات و كل شهر يكون غير بس لسة الاشتراك ما انفتح علي و هدي فترة تجريبية و قريب ان شاء الله راح يفتح و هدا وصفو بشكل كامل من مدونة الجميلة غادة عبدالله http://ghadaabdullah09.blogspot.com

    لمن سيصل ماجيك بوكس ؟
ماجيك بوكس الآن في  فترة تجربة وهي خاصة بثلاث فئات من العملاء:
  • العملاء المميزين
  • المتابعين المميزين
  • المؤثرين الذين يعتبرون مصدر إلهام لفانيلا 

    • ماهي المنتجات داخل الصندوق؟ وهل في كل مرة سيصلني منتج من كل قسم في فانيلا؟
    الصندوق يحتوي على ٤ منتجات فقط وتكون منوعة، في كل شهر يتم اختيار ٤ أقسام مختلفة.

      كيف أقوم بالإشتراك بماجيك بوكس وماهي تكلفة الإشتراك ؟
    في الوقت الحالي لم نقم بفتح الإشتراكات، ونقوم بإرساله شهرياً لأشخاص محددين كما ذكرنا سابقًا وقد تكونين أحدهم "انظري السؤال القادم"

      متى سيتم الإعلان عن ماجيك بوكس وفتح الإشتراكات؟
    قريباً جداً لكن بإمكانك أن تكوني على قائمة الإنتظار لتجربة الصندوق "بشكل مجاني". ماعليكِ سوى تعبئة النموذج هنا وسنتواصل معك في حال توفر شاغر.

    للمزيد تواصلي معنا عبر الايميل:  magic.box@ecommercesea.com




    نجي للمحتويات، هدا الشهر كل المحتويات صناعة محلية سعودية و هدا جدا جميل انو يدعموا الصناعات المحلية 👍🏻




    اول شي المنشفة السحرية (ماجيك توتش) هي نفس فكرة الميك اب اريسر الي هي منشفة تبلليها بموية و تمسحي فيها الميك اب راح اجربها اكيد و اتكلم عنها. بس تصمميها نفس الميك اب اريسر بس هدي صناعة سعودية.




    ثاني شي كتاب عبارة عن بلانر عربي تقدري تنسقي في ايامك و تكتبي ملاحظات و التصميم جدا نااعم و الالوان مرة مريحة للعين و هادية مرة حبيت التصميم راح اخلي للسنة الجاية ان شاء الله.




    و هدا دفتر طيب هو عبارة عن دفتر في جمل و عبارات تحفيزية و ملهمة و ايجابية و في زي الالعاب او المهام ايجابية تعمليها و تحفزي فيها نفسك 👍🏻 حبيت الفكرة حقتو مرة مميزة و مبتكرة.




    كريم اللمسة المخملية من بريز مصنوع في مصنع حائز على شهادة الأيزو العالمية و الكريم طبي ريحتو مرة تجنن ريحة ورد و انا اعشق ريحة الورد ❤️ لسة ما جربتو بس اكيد راح اتكلم عنو اول ما اجربو.





    اخر شي عبارة عن بيت خدادية بتصميم عربي مرة حبيت الالوان و النقش بالحروف العربية جميييل و خامة القماش مرة ممتازة.

    في الاخير مرة حبيت الصندوق صراحة في افكار مميزة و حلو انها محلية ❤️.

    بس عندي ملاحظة بسيطة الصندوق لما وصلني كان جوة كرتون كبير و للاسف لقيت الصندوق مفتوح و الاغراض طايحة فا يا ليت يتقفل الصندوق بشكل افضل قبل لا يتشحن و الحمدلله ما انعدمت الاشياء.

    Stay Elegant
    xoxo

    هناك 5 تعليقات: