Elegant Countess: مجموعات ذا بودي شوب الجديدة + مشترياتي

السلام عليكم ❤️ زي ما اغلبكم يعرف ان ذا بودي شوب نزلوا ٣ مجموعات جديدة التفاح الاخضر و التوت البري و فانيليا بالكريم برليه و رحت امس عشان اجربها ❤️

اول شي مجموعة التفاح الاخضر هدي عشققق جداً حبيتها و صراحة احلى ريحة عند بودي شوب دحين ريحتها ريحة فاكهة حلوة ما اعرف اوصف روائح ههههه بس جد جد جميلة الريحة حسيتها ريحة غريبة ما تلاقيها في كل مكان. المجموعة فيها (كريم، لوشن للجسم بلمعة، كريم يد، املاح معدنية، جيل للبانيو، مرطب شفايف، زبدة جسم، جل شاور، مقشر، بخاخ للجسم و الجو و الاقمشة، ماء تواليت، صابون، زيت للفواحة)

اسعارها تتراوح بين ٣٠-٨٠ ريال

المجموعة التانية هي بالتوت البري و برضو كتير حبيتها ريحتها توت مركزة و انا اعشق ريحة التوت مرة جميلة و منعشة بس حبيت التفاح الاخضر اكتر ❤️

المجموعة فيها نفس الشي و نفس الاسعار

اخر مجموعة هي الفانيليا بالكريم برليه بصراحة ما حبيتها كتير حسيتها ريحة سكر مركزة مرة ما اعرف بس ابدا ماهي ذوقي صراحة يمكن البعض تعجبوا. و برضو نفس الاشياء و نفس الاسعار.