١. ضروري كل يومين او يوم ورا يوم تقشري شفايفك في كم طرق تقدري تقشري فيها. استخدمي فرشة اسنان بس افضل فرشة اطفال عشان تكون ناعمة لان الشفايف حساسة فا استخدمي حقة الاطفال و افركي الشفايف بشويش بحركة دائرية و بللي الفرشة بالموية قبل لا تستخدميها هدي الطريقة تشيل الجلد الميت و تنشط الدورة الدموية و تدفق الدم للشفايف و تخليها ناعمة و اصح.
٢. استخدمي مقشرات للشفايف تقدري تستخدمي السكر بني او ابيض مع ملعقة عسل و معلقة زيت جوز هند طبيعي او تقدري تستخدمي سكر و زيت زيتون او زيت لوز. كمان في مقشرات جاهزة زي مقشر ايلف و مقشر من لاش و في من بودي شوب. تحطيها على الشفايف و تقشري بحركة دائرية من ٣٠ ثانية لدقيقة و بعدين تغسلي بموية دافية.
٣. الترطيب جداً مهم! لان كل ما تجف شفايفك راح تغمق زيادة في النهار رطبي الشفايف بمرطب خفيف و في الليل قبل ما تنامي رطبي بمرطب تقيل زي الفازلين و زبدة الشيا الخام و زبدة الكاكاو او زيت جوز هند او زيت زيتون.
٤. ضروري تمسحي الروج كويس من شفايفك قبل النوم و افضل تقشريها اذا حطيتي روج عشان تشيلي اثارو كلها.
٥. اذا حتخرجي في الشمس استخدمي مرطب في نسبة وقاية من الشمس لان الشمس تسبب ضرر للشفايف.
٦. الموية الموية الموية جداً مهمة ضروري تحاولي تشربي موية قد ما تقدري لانها من اهم اسباب صحة البشرة.
٧. لا تلحسي شفايفك اعترف انا فيا ديه العادة و بتخلص منها ان شاء الله لان اوقات تحسي شفايف جافة فا تلحسيها عشان ترطبيها و هدا يخليها تنشف زيادة و تسود زيادة.
ليست هناك تعليقات:
إرسال تعليق