السبت، 20 ديسمبر، 2014

الدليل لصبغات الشعر المناسبة لكل أندرتون



السلام عليكم حبايبي ❤️ اليوم حابة اتكلم عن صبغات الشعر الي تناسب كل اندرتون طبعا الي يتابع مدونتي يعرف اني كتبت قبل شرح كامل للاندرتون و هدي الروابط للبنات الي ما قروها و تكلمت بشكل مبسط عن جزئية صبغات الشعر و اليوم حابة اوضح اكتر ليكم.



http://soledadrose.blogspot.com/2014/11/blog-post_18.html

http://soledadrose.blogspot.com/2014/11/blog-post_21.html

http://soledadrose.blogspot.com/2014/11/blog-post_90.html

طيب اول شي لازم تكوني عرفتي الاندرتون حقك طيب ليش؟ لانو يعتمد و بشكل كبير على اذا يناسبك اللون ولا لا اوقات تشوفي صبغة مرة تعجبك و تسويها و ما تعجبك ليش؟ لانها ما ناسبت اندرتونك. بعض متخصصين الشعر يقولوا لون العين يلعب دور كمان بس خلينا في الاندرتون احسن 😁 اخاف اتعمق و تكرهوا تصبغوا بعدها ههههههه فا خلينا نشوف كل الوان تناسب اندرتونك و طبعا لا تحطي في بالك لون البشرة ركزي في الاندرتون. و بسم لله نبدأ مع الاندرتون البارد:


بالنسبة للاندرتون البارد اذا تبغي تصبغي اشقر يناسبك الاشقر الفاتح مرة و الاشقر البيج او البلاتينيوم و القاعدة هي كل ما كانت بشرتك افتح كل ما ناسبتك الالوان الفاتحة مرة شوفي الصورة فوق كل لون صبغة مناسب لكل وحدة.


اذا تبغي تصبغي بني جربي اللون البني الغامق او البني الرماد و ابعدي عن البنيات الي فيها اندرتون حمرة او مايلة للحمار.


اذا تبغي تصبغي احمر اذا تبغي شي جريئ جربي الاحمر الصارخ الواضح زي الي في النص او اذا تبغي شي اروق جربي الدرجات الهادئة الي مايلة للدهبي زي اليمين و اليسار.

دحين نجي للبشرة الدافئة:

اذا حابة تصبغي اشقر جربي الاشقر الي على دهبي او عسلي و تقدري تعملي على اومبري او هايلايت. اذا بشرتك لونها متوسط الى غامقة و خايفة ما يطلع عليكي مناسب جربي تخلي لون جذورك هو لون الشعر الطبيعي يعني ابدأي اللون الاشقر من بعد الجذور بشوية يسير شعرك جذورو لون شعرك و الباقي اشقر زي تقريبا الي في النص. او ممكن تسوي هايلايت اشقر و يكون على لون شعر بني غامق.


اذا تبغي لون بني جربي درجات البني الي على دهبي و اغلب درجات البني تليق بس بعدي عن الي تجي على رماد او باهتة لانها ما تليق للدافئة و تقدري تسوي اومبري او هايلايت و تضيفي كم درجة للبني و مرة راح يبرز بشرتك و يخليها احلى.


اذا تبغي احمر و تبغي جريئ تقدري تعملي الاحمر الي في اندرتون على دهبي ماني عارفة اوصف اللون عدل هههههه بس هو اخر واحد على اليسار و اذا تبغي شي اهدى جربي اللون الماهغوني الدافئ زي الاول و الي في النص.

في دحين طالع السومبري زي هدي الصورة


هدا يليق على جميع الانواع الباردة و الدافئة و يعطي لوك طبيعي اكتر.

طيب دحين بحطلكم صور لقيتها في النت و عجبتني قلت اشاركم فيها. دحين ركزوا معايا 😁😁 الصورة فيها لون العين و لون الشعر الطبيعي و لون بشرتك انتي دوري بين الصور و طلعي زي ما قلنا لون عينك و لون شعرك و لون بشرتك تكون في صورة وحدة بس! يعني مو من كل صورة تطلعي 😂 لازم وحدة بس! و تحتها راح يكون الالوان الي تناسبك كلون شعر او الوان عادية (مكياج، لبس الخ) الصور الي خلفيتها برتقالي هدي الاندرتون الدافئة و الي خلفيتها زرقة هدي باردة ان شاء الله فهمتوا عليا خخخخخ 






هناك 6 تعليقات: