سلام حبايبي 💕 اليوم ابغى اتكلم عن البشرة الشاحبة و كيف تخلي فيها اشراقة تاني ❤️
١. من اهم الاشياء الي لازم تسويها هي التقشير جدا مهم لازم من مرة لمرتين في الاسبوع تقشري وجهك لان الجلد الميت يمنع انو الضوء ينعكس على وجهك و هدا الي يخلي شكلو شاحب. من احسن المقشرات الي تدي اشراقة للوجه هو العسل و السكر قشري في وجهك من مرة لمرتين اسبوعيا بس لازم تجربي اول على جزء من وجهك خاصة اذا بشرتك حساسة.
٢. فيتامين ج هو صديقك الصدوق ❤️ يعتبر تاني احسن فيتامين للبشرة بعد فيتامين هـ لان مرة يدي اشراقة و يفتح البشرة. حاولي تلاقي منتجات موجود فيها فيتامين ج. عندك مثلا بودي شوب عندو مجموعة كاملة بفتامين ج و في صابون بفيتامين ج تكلمت عنها قبل و كمان في الصيدلية في مجموعة بفتامين ج ناسية اسمها 🙈.
٣. اشربي موية كتيررررررر من افضل الاشياء الي تساعد بشرتك. و حاولي تخففي قهوة لانها مرة تسبب شحوب للبشرة و اذا ما تقدري حاولي تكتري موية و خضار.
٤. غسلي وجها دايما بغسول يناسبك و حاولي في البداية تستخدمي يوميا الين تحسي بشرتك افضل و تحسنت و بعدها خففي و خليها كل يومين عشان لا ترهقي بشرتك.
٥. الحليب مرة ممتاز للبشرة الشاحبة غسلي وجهك بشوية حليب او حطي بقطنة و امسحي وجهك.
٦. تقدري تسوي قناع للوجه بالحليب و تضيفي علي لوز مر (اللوز البجلي الي علي قشر بني) تنقعي في موية طول الليل و تاني يوم قشري و اطحني و اخلطي مع شوية حليب و حطي على وجهك لمدة نص ساعة و غسلي.
٧. و كمان من الاقنعة الجميلة نشا و موية ورد و تكلمت عنو في حسابي في الانستقرام
٨. الشمس من مسببات البشرة الشاحبة و اذا انتي تتعرضي ليها ضروري تستخدمي واقي شمس و ما يقل عن ٥٠ اس بي اف.
٩. استخدمي قناع كركم و لبن زبادي اخلطيهم مع بعض و حطي على وجهك لمدة ١٥-٢٠ دقيقة.
١٠. مقشر تاني حلو للوجه هو الليمون مع عسل. حطي ملعقتين عسل مع عصير ربع ليمونة و ملعقة ملح البحر او سكر بني و قشري في وجهك و لا تنسي تجربي اول قبل ما تحطي.
اتمنى تستفيدوا من الموضوع ❤️
ليست هناك تعليقات:
إرسال تعليق