الخميس، 29 يناير 2015

المكياج الناعم للجامعة


السلام عليكم حبايبي، اليوم أبغى أتكلم عن المكياج الناعم الي ينفع للجامعة لان كتير سألوني ايش ممكن يستخدموا للجامعة







إذا عندك عيوب في الوجه يعني مثلا حبوب أو نمش أو تصبغات استخدمي بي بي كريم أو سي سي كريم لأن تغطيتو خفيفة و بعضها يكون فيها حماية من الشمس. الفاونديشن تقيل على البشرة و ما ينفع للاستخدام اليومي عشان كدة أفضل تستخدمي البي بي كريم أو السي سي كريم. إذا ما تبغي تستخدمي لا تنسي تحطي واقي شمس و اذا البي بي كريم حقك مافي حماية استخدمي قبلو واقي و حطي قبلو بنص ساعة على الأقل. في بعض واقيات الشمس تكون ملونة يعني على حسب لون بشرتك و هدي ممتازة برضو


بالنسبة للكونسيلر اذا عندك هالات استخدمي و برضو حاولي تستخدمي كونسيلر يكون خفيف. بس اذا انتي ما تبغي تستخدمي بي بي او سي سي كريم ما ينفع تستخدمي كونسيلر لوحدو لان مرة حيسير شكلو غلط و بارز فا راح يبرز العيب اكتر من انو يخفي


 اذا بشرتك دهنية او مختلطة راح تحتاجي بودرة استخدمي وحدة خفيفة او شفافة زي ستي مات من ريمل. و انا احب احط برونزر على وجهي كلو لان يدي دفئ للوجه و استخدم اللون البرونزي الي في باليت ايلف بس هدي الحركة تناسب الي الاندرتون حقهم دافئ أكتر


بالنسبة للحواجب ارسميها بالطريقة الي تناسبك انا استخدم باليت نيكد بيسكس و استخدم الدرجتين الثانية و الثالثة من اليمين و استخدم فرشة بودي شوب المشطوفة (نسيت اصورها) و اذا راح تقعدي فترة طويلة ثبتيها بماسكرا الحواجب


بالنسبة للعين الافضل ما تستخدمي اي شادو و اذا تبغي تستخدمي الالوان الطبيعية زي نيكد بيسكس و تقدري ترسمي عينك بشكل بسيط و لا تبالغي بالرسم و تحطي في خط مدمع العين كحل بيج او اسود او ملون زي الازرق زي ما تحبي. انا صراحة اكتفي بقلم بيج جوة العين و ما ارسم عيني


بالنسبة للماسكرا حاولي قد ما تقدري تستخدمي ماسكرا خفيفة او طبيعية عشان لا تنعدم رموشك خاصة اذا تستخدمي بشكل يومي. انا احب ماسكرا فيزشن فورملا عضوية و طبيعية و كمان علاجية للرموش. للاسف ماهي موجودة عندنا بس تلاقيها عن التاجرات و في موقع اي هيرب


البلاشر خلي طبيعي قد ما تقدري الافضل تستخدمي لون وردي فاتح او ممكن مشمشي فاتح بس احس الوردي يدي لوك طبيعي اكتر زي بلاشر برجوا و فيزشن فورملا و اورقازم من نارز هدا لما تشوفي تحسي في شيمر او لمعة بس لما تحطي على الخد ما تشوفي شيمر. و بالنسبة للكونتور ما افضل تعملي لان حيكون مبالغ فيه بس اذا الا تبغي حاولي تدمجي كويس 


اخر شي الشفايف عاد هنا عندك خيارات كتيرة اول شي الوردي الفاتح مرة القريب من النيود زي كريم كب من ماك يبان طبيعي جدا على الشفايف. ارواج وردية فاتحة مات زي ريمل رقم ١٠٤ الي في النص. قلوسات وردية زي ريفلون و نيكس. مرطبات الشفايف الملونة زي سليك و الحلو في نسبة حماية من الشمس او بيبي ليبس. او تستخدمي ارواج نيود الي هي الوان طبييعية للاسف بس عندي واحد من مكياجي خخخخ يبغالي الوان نيود بس المشكلة ما احبها ههههه

اتمني في الاخير انكم استفدتوا ^ـ^ سلام












هناك تعليقان (2):