Nars Audacious Lipsticks
السلام عليكم حبايبي ❤️ اليوم بتكلم عن أجمل ارواج عندي حالياً 😍 ارواج نارز من مجموعة Audacious و هي اخر مجموعة نزلت من ارواج نارز.
اول شي لازم اتكلم عن الباكجنغ 😍❤️ فخااامة! جدا جميلة حتى ملمسها ناعم و رائع و عجبتني هرجة ان فيها مغناطيس يعني لما تغطي الروج يتقفل بمغناطيس و هدا جدا ممتاز لما تحطي في شنطة ميك اب عشان لا يتفك الغطا و ينعدم الروج زي ما بعض الاحيان يسير.
بالنسبة للروج الالوان جدا واضحة و تغطيتها عالية و كريمية تحسيها تدوب على فمك و ترطيبها مرة ممتاز بالمقارنة بكتير ارواج جربتها و ما تجفف الشفايف. كتير ما يحبوا الارواج الكريمية عشان تروح بسرعة عني انا اعشقها ❤️ ما اميل للمات كتير صراحة فا هدي جات عز الطلب 😍. ثباتها بين ٣ الى ٤ ساعات من غير اكل و يخف لما تاكلي.
بس تركيبتها ما ادري كيف اديها حقها صراحة بجد رائعة و طبعا شركة نارز غنية عن التعريف و سارت افضل شركة ميك بالنسبة ليا ❤️.
بس عيبها عشان كريمية يبغالك تحطيها بشويش لان تطلع برة الشفايف اذا حطيتي بسرعة لان تحسيها كانها تتزحلق على شفايفك هههه انا و الوصف في زحمة.
ممكن تخلي ثباتها اعلى او انك تخليها ما تطلع برة الشفايف بانك تحطي محدد شفايف نفس اللون او لون قريب.
اسماء الارواج كلها اسماء اناث اجنبية طبعا 🙊 حبيت هدي الهرجة ما ادري ليش ههههههه و هدي الدرجات الي عندي و اسم كل روج تحت السواتش حقو.
هدي سواتشات من النت للالوان كلها اذا حابين تاخدوا فكرة 🙊❤️
عني راح اشتري منها زيادة طبعا 😍 ناوية اخد كم روج كمان منها ان شاء الله.
سعرها ٣٢$ دولار يعني تقريبا ١٢٠ ريال بس عند التاجرات بين ١٥٠-١٥٥ ريال
xoxo
xoxo
ليست هناك تعليقات:
إرسال تعليق