الثلاثاء، 3 مارس 2015

الأندرتون (الجزء الثاني)

سلام حبايبي، نكمل مع بعض موضوع الاندرتون و اول شي نتكلم عن البلاشر الي يناسب كل اندرتون و يناسب لون بشرتك في نفس الوقت.

الأندرتون و البلشر المناسب:


اذا بشرتك فاتحة و الاندرتون تبعك باردة تستخدمي بلشر بدرجات البمبي او الروز. و الادنرتون الدافئة بلشر في درجة خوخي.





البنات الي بشرتهم متوسطة و اندرتون باردة يجربوا اللون البمبي الفاتح. و الاندرتون الدافئة يستخدموا اللون خوخي غامق او ارجواني فاتح.



اذا انتي بشرتك غامقة و عندك اندرتون دافئة يفضل تستخدمي بلشر بدرجات الارجواني. و اذا الاندرتون باردة تستخدمي لون برتقالي محروق او على برونزي.


الأندرتون و الظل المناسب:




الاندرتون الباردة يناسبها: فضي، الازرق الشاحب او الفاتح، الليلكي، التركوازي الفاتح و الغامق، و اخضر غامق.

الاندرتون الدافئة: البرونزي، العاجي، الرمادي الغامق، بني فاتح، بمبي، اخضر فاتح و الارجواني.

كل درجات البنيات عادة ملائمة لكل انواع البشرات و الاندرتون،

طبعا مو شرط تتقيدي بديه الالوان بس هي افضل شي يناسب الاندرتون تبعك. تقدري تستخدمي اي لون تاني و تدمجي مع الالواان الي تناسبك. هي الالوان تبرز بشرتك و تخليها احلى. 


الأندرتون و الروج المناسب:


البنات الي الاندرتون عندهم دافئة احلى الوان عليهم هي الترابية و الارجواني و البرتقالي و البرونز و الخوخي. و عشان تختاري روج احمر او نود او بمبي: اول شي الاحمر دوري روج احمر يكون الاندرتون تبعو برتقالي او بني. و الروج النود حاولي دايما ما يكون افتح عليكي اكتر من درجتين يعني يكون افتح من لون بشرتك بدرجتين او درجة بس مو اكتر. و الروج البمبي اختاري واحد يكون الاندرتون تبعو اصفر او في درجات خوخي.

البنات الي الاندرتون تبعهم باردة اكتر شي يناسبهم ازرق و بمبي و موف. و عشان تختاري روج احمر دوري واحد يكون الاندرتون تبعوا ازرق. و تقريبا البمبيات كلها تناسبك و بالنسبة للنود يكون لونوا على موف او وردي.

و شوفي الصورة فوق عشان تساعدك تعرفي الدرجات اكتر.


الصورة هدي كمان تبين الارواج المناسبة ليكي اول شي يمين الاندرتون البنكي الي هي الباردة تناسبك ارواج. دافئة و في النص المحايدة و يناسبك الوان دافئة و باردة و اخر شي الاندرتون الصفرا يعني الدافئة يناسبها الوان باردة.

بالنسبة لهدا فا هو يراعي لون البشرة اكتر يعني الي يناسب بشرتك اليسار مرة هي الوان البشرات و الالوان الي بعدها هي الي تناسبك.

و ان شاء الله لسة في جزء تاني بعد كم يوم على خير ❤️

ليست هناك تعليقات:

إرسال تعليق