السبت، 18 أبريل 2015

مشترياتي من موقع iHerb #٢




السلام عليكم حبايبي تكلمت قبل عن موقع اي هيرب الي هو في منتجات طبية او عضوية او طبيعية و عندهم كل شي من فيتامينات لمنتجات عناية و اكل و مكياج و اشياء كتير و انا وقعت في غرامو 😍❤️ و اسعارو جدا رائعة و احسها تلائم الجميع 👍🏻 المهم اشتريت منو من فترة و دوبها وصلتني عشان شحنتها على ماما لان هي كانت طالبة معايا و ماما ارسلتلي هي على جدة

أول شي اشتريت منتجات من شركة اسمها (ديرما اي) هدي شركة امريكية كل منتجاتها طبيعية، دكتورة الجلدية حقة ماما كتبتلها كم منتج منها و قلت اجربها 🙊 المهم تخيلوا ماما كانت تشتري منها من صيدلية العيادة و الغسول مثلا كان سعرو ١٥٠ ريال في موقع اي هيرب سعرو ٤٥ ريال! حسبي الله تربل السعر مو حتى الدبل عشان كدة اشترت ماما كل كريماتها من اي هيرب، بدون كلام زيادة يالله نبدأ 
😂

الشركة مصنفة منتجاتها على مجموعات اول شي اخدت من مجموعة evenly radiant اخدت سيرم للوجه و تونر و كريم للعين يعالج الهالات و التجاعيد و الخطوط 



مكتوب ان هدي المجموعة توحد لون البشرة و تعالج التصبغات، انا الي ما يعرف عندي نمش بس نمشي مرة كتير و متعبني شوية فا مكتوب انو يخففو فا بجرب 😂 و هدي تناسب البشرة من العادية الى الدهنية



تاني شي اخدت هدا كريم للبشرة الجافة بفيتامين اي 



و هدا مزيل مكياج بالبابونج و الخيار و خالي من العطور و الزيوت



اخدت كمان شامبو و بلسم لشعري، انا قريب سويت كيراتين فا دورت شامبو من غير سولفات او باربين و فيلو كيراتين و لقيت هدا علي تقييم عالي فا قلت اجربو. عجبني انو مصنوع من اعشاب و طبيعي.



بعدين اخدت هدي الفرشة للجسم من اول ابغى وحدة فا عجبتني هدي جهة فرشة لتقشير الجسم و الجهة التانية تعملي مساج للجسم 😍



اخر شي اخدت قفازات لترطيب اليدين البسها لما ابغى ترطيب عالي ليدي خاصة بعد شغل البيت :( 

و بس هدي مشترياتي 😍

Stay Elegant
xoxo

هناك 5 تعليقات:

  1. تتهني فيها وصراحه تحمست اطلب من الموقع

    ردحذف
  2. السلام عليكم
    جزاك الله خير عالموضوع
    بس ممكن يا عسل تقوليلها ايش نتايج مجموعة تخفيف النمش، هل استفدتي منها؟
    و شكرا

    ردحذف
    الردود
    1. والله حبيبي لسة ما شفت النتيجة لان حتي ما كملت شهر لسة اكيد اول ما اشوف نتيجة اقلكم ان شاء الله

      حذف
  3. ان شاء الله ، و مشكوره عالرد💕💕

    ردحذف
  4. كيف حالك ايش تقييمك لمجموعه ايفنلي رادينت evenly radiant

    ردحذف