السلام عليكم حبايبي ❤️ اليوم بتكلم عن مفضلاتي الفترة هدي 👍🏻 طبعا انا ما اسوي كل شهر كل ما احس سار عندي مفضلات جديدة نزلتها ليكم 😍 و الي ما شاف رقم ١ و ٢ تلاقوها هنا 👇🏻
اعتذر مرة تانية عن جودة الصور ماني لاقية الميموري كارد حق الكاميرا :(
و نبدأ اول بالعناية بعدين المكياج
Queen Helene Olive Oil Masque
ماسك جدا جميل ❤️ مرة يناسب البشرة الجافة لان يرطب البشرة و يجددها و يزيل الاوساخ و يتركها مرة نااااعمة ❤️ من اجمل الماسكات و راح اعمل ريفيو عنو ان شاء الله
Neutrogena Deep Clean Facial Cleanser
يناسب البشرة العادي الى الدهنية انا بشرتي جافة بس كنت محتاجة غسول جيل مع الكلارسونيك و جربتوا و عجبني مع انو خالي من الزيوت بس ما حسيتو يجفف بشرتي مرة و تنضيفو جدا ممتاز برضو راح اعمل عنو ريفيو
Ocean Potion Sunscreen
واقي للشمس في ٥٠ اس بي اف (عوامل حماية من الشمس) يرطب البشرة و ما يتركها دهنية و ما يترك طبقة بيضة زي اغلب الواقيات و مرة كويس قبل الميك اب
Loreal Make Up Remover Eyes & Lips \ derma e Make up Remover
مزيلات المكياج الي استخدمها دحين و مرتاحة عليها ❤️ مديل لوريال للعيون يزيل مكياج العين بسهولة و ما يحسس العين و يشيل المكياج المقاوم للماء. و المزيل التاني من ديرما اي للوجه يزيل المكياج بسرعة و يرطب البشرة في نفس الوقت
The Body Shop Glazed Apple
عطر من ذي بودي شوب بالتفاح الاخضر ريحتو تجنن و مرة منعشة 😍 اخبو استخدمو في الليت اتعطر في يوميا و هدا اسرع عطر اخلصو 😂 عندي عطور من سنين قاعدة هدا ما كما سنة و قرب يخلص من كتر ما احبو ❤️
دحبن نجي للميك اب
Hourglass Radiant Bronze Light
احلى برونزر عندي دحين 😍 مرة بيقمنت و لونو واضح و مرة جميل اول مرة استخدمتوا و حطيت انفجعت من كتر ما لونو واضح 😂
MAC Pro Conceal and Correct Palette (Light)
رحت ماك قبل فترة عشان اخد كونسبلر برو لونغ وير بس ما لقيت درجتي و شفت الباليت و ما صدقت لان نفسي فيها من اول 😍 مرة روعة تندمج بسهولة و تخفي الهالات و فيها كم درجة و في كوركتر سالمون للهالات و كوركتر اصفر برضو ممكن يستخدم للهالات اذا هالاتك على موف حتكلم عنو اكتر ان شاء الله في ريفيو
Colourpop Eye Shadow (Tea Party)
احلى اي شادو عندي دحين 😍 لونو جمييييل و في شيمر مرة روعة و هادي اتعب و اقول روعة 😍 و مرة بيقمنت و سهل دمجو و افضل طريقة تحطي باصباعك
Maybelline Colour Tatto (Pink Gold) and (On and On Bronze(
من الاشياء الي كنت استخدمها كتير بس تركتها فترة و رجعيت ليها دحين 😍 مرة روعة الوانها و هدي اكتر لونين استخدمها ثباتها طويل و سهل دمجها تنفع كبيس قبل الاي شادو او تستخدميها لوحدها
Bourjois Twist Up Mascara
من الاشياء الي رجعتلها كمان و ما ادري ليش تركتها 💔 احلى ماسكرا جربتها تطول الرموش و تكثفها بشكل روعة من جد جميلة و تستاهل!
MAC Velvet Teddy Lipstick
تعبت و انا ادور هدا الروج 😢 و ما صدقت لقيتو بونو نيود على بني تركيبتو مات و مرة روعة و عاد ما يحتاج ماك ارواجهم تجنن 😍
Sephora Waterproof Eye pencil (Sun Tan) and (Strawberry Macaroon)
اخر مشترياتي و حبيتهااااا احب استخدمها داخل العين عشان انا ما استخدم ابدا اسود لان عيني مبطنة اول شي اللون الدهبي (سن تان) مرة حلو و غامق و في شيمر و التاني (ستروبيري ماكرون) لونو بينك على روزغولد و في شيمر برضو حسيتو يوسع العين عشان فاتح و طلع مرة جميل مع ميك اب روزغولد ❤️ ثباتو تقريبا ٣ الى ٤ ساعات و حسيتو كويس بالمقارنة مع باقي الاكحال و الحلو في كمان ما يلطخ في اركان العين يعني في اكحال تسيح و تسير زي اللطخ في اركان العين من برة هدا لا 😍
و بس هدي كانت مفضلاتي 😍
Stay Elegant
xoxo
ليست هناك تعليقات:
إرسال تعليق