السلام عليكم حبايبي 💕 اليوم نكمل مع تجهيزات العيد 👍🏻 حيكون عن العناية بالجسم و الأقدام.
الي ما شاف تدوينة العناية بالوجه الرابط تحت
اول شي زي ما قلت في التدوينة الي قبل هدا تجهيز بسيط و سريع عشان يناسب وقت الكل 👍🏻 و المفروض تكون مهتمين بجسمنا و كل شي طول السنة فا ما تحتاجي تجهيز طويل قبل العيد ❤️
طبعا تقدري تضيفي اشياء ، تحذفي اشياء على كيفك و في بنات يستخدموا خلطات و صابونيات انتي استخدمي الي تحبي هدي بس مجرد اساسيات ضروري تسويها
١. حمام مغربي او التخلص من الجلد الميت
اذا عندك اغراض الحمام المغربي سوي 👍🏻 انا شخيصا ما احبو 💔 عشان اما احب البخار يكتمني و كمان الصابون و الحوسة 🌚 صراحة احب استخدم هدي الاتنين تشيل كل الجلد الميت و تنضف تنضيف ممتاز من غير اي حوسة. اليمين ليفة كورية و التانية فرشة من موقع اي هيرب. اول شي تقعدي لمدة ربع ساعة في موية دافية بعدين تبداي شوية شوية تفركي جسمك بها و نضفي كل جسمك خاصة الاماكن الي يزيد فيها الجلد الميت زي ورى الاكواع و الركب ورى الساق، الضهر، الرقبة، الابط. بعدين غسلي جسمك كويس و حاولي تعيدي تاني تتاكدي انك نضفتي جسمك كامل.
٢. التقشير
استخدمي مقشر عشان تشيلي اي زوائد و حاولي يكون مقشر مرطب عشان يدي جسمك ترطيب لان عملية ازالة الجلد ميت تجفف الجسم. هدا مقشر بزبدة الشيا و الرمان مرة ريحتو روعة و ترطيبو جميل و ممتاز.
٣. غسل الجسم
غسلي جسمك عادي بجل الشاور او الصابون حقك احب استخدم غسول سينت ايفز مرة يرطب الجسم و ريحتو روعة و تقعد فترة!
٤. الاقدام
خلي اقدامك اخر شي عشان يكون الجلد الميت سار لين و ابداي قشري بمقشر الاقدام انا احب استخدم حق بودي شوب روووووعة مرة تشوفي فرق من اول مرة! و استخدم الالة حقة التقشير منو برضو. ابعدي عن حجر الاقدام مرة الي تفركي في رجلك و يشيل الجلد لان مرة على مرة الجلد يسير اقسى من اول ما ينفع، عليكي بالتقشير و الترطيب. بعد الاستحمام رطبي رجلك بمرطب ممتاز للاقدام انا احب استخدم حق بودي شوب برضو 👍🏻 و البسي شراب.
٥. التعطير و الترطيب
رطبي جسمك بمرطب قوي اذا جسمك جاف انا احب استخدم مرطب ايوسرين من اي هيرب فظظظيع و ترطيبو مرة ممتاز! او استخدمي لوشن معطر و بخي بخاخ جسم عشان تسير ريحتك حلوة 😍. طبعا حطي مزيل عرق او مسك في منطقة الابط انا احط خلطة طبيعية لمزيل العرق حطيتها قبل في الانستقرام.
٦. قبل ملابس للعيد
اذا رايحة مع اهلك على بيت على طول يعني مانتي رايحة صلاة العيد او قاعدة في البيت حطي كريم معطر للجسم قبل ما تلبسي ملابس العيد هدا الكريم مرة روعة من الدانوب يدي لمعة للجسم و ريحتى تجنن! (اذا رايحة الصلاة ابعدي عن العطور عشان ما يجوز يشموها رجال ❤️)
Stay Elegant
xoxo
ليست هناك تعليقات:
إرسال تعليق