The Body Shop Honey Bronze Leg Mist
السلام عليكم حبايبي ❤️ قبل فترة جاني بخاخ ذي بودي شوب اسمو هوني برونز هو عبارة عن بخاخ ملون للأقدام يدي لون برونزي ليها.
اول شي البخاخ او مجموعة هوني برونز كاملة من مكوناتها العسل، هو سائل زي الموية و لونو برونزي غامق لما تبخي اول مرة اللون مرة غامق بس لما تدمجي يطلع لونو حلو و يفتح. و مات مافي اي لمعة او شيمر يعني يدي لون برونزي حلو من غير لمعة 👌🏻.
حسيت انو يناسب البشرات الفاتحة اكتر شي، ماهو برتقالي او غامق و هدي صورة من النت تبين الفرق قبل و بعد 👍🏻
طبعا اول شي عشان تستخدمي الافضل تلبسي قفازات لان مرة يصبغ اليد 😂 و بخي في حمام افضل لانك ممكن تبخي على برة. و بس بخي على رجلك و ادمجي بيدك كانك تحطي كريم او زيت الين يندمج كويس و تسير رجلك لون واحد. و لاحظت ان لما تحطي طبقة تانية اللون يغمق شوية كمان.
و بالنسبة لثباتو يقعد معاكي طول اليوم من غير ما يخف لونو بس ماهو ضد الموية يعني لما تغسلي يروح او يخف مرة.
يناسب البنات الي يحبوا يسووا فيك تان او تان في البيت مو الشمس و رايحة مناسبة مثلا و لابسة فستان قصير و حابة تدي لون برونزي لرجولك 😍 في منو زي السيرم للوجه يدي لون برونزي برضو بس ما جربتو و في مجموعة كاملة تقدري تختاري الي يعجبك ❤️. بالنسبة لسعرو صراحة ما اعرف لان وصلني من ذي بودي شوب.
Stay Elegant
xoxo
ليست هناك تعليقات:
إرسال تعليق