الأربعاء، 2 سبتمبر، 2015

منتجات للأطفال خاصة بالاستحمام





السلام عليكم حبايبي 💕 هدي منتجات الاستحمام الي استخدمها لبنتي ريمان و هي خاصة للاطفال طبعا. و حبيت اشاركم بيها ❤️ و كل هدي المنتجات اخدتها من موقع اي هيرب

Nature's Gate Baby Shampoo and Wash



هدا شامبو و غسول للجسم في نفس الوقت و خالي من السولفات او الباربين او العطور المصنعة و مواد مضرة تانية. يحتوي على البابونج و زيت الجوجوبا و المشمش و اللوز الحلو و غيرو. مرة حبيتو و ريحتو حلوة و يهدي الاطفال يخليهم ينامو 👍🏻 بس عيبو حسيت انو يحرق العيون شوية فا سرت احط يدي على عين ريمان لما اغسل شعرها. و انا بس استخدموا لشعرها عشان عندي غسول تاني راح اتكلم عنو. بس على العموم مرة ممتاز خاصة ان مافي اشياء مضرة. سعرو ٥.٨٦ دولار يعني ٢٢ ريال تقريبا 

Aveeno Baby Cleansing Therpay



هدا غسول للجسم خاص للاطفال الي عندهم اكزيما يحتوي على الشوفان الي يهدي البشرة و يرطبها. و مافي كحول او صبغات او عطور و حاصل على جائزة من منظمة الاكزيما العالمية. مرة ممتاز يرطب البشرة و ابدا ما يجففها انصح في لاي طفل عندو اكزيما زي ريمان 👍🏻 سعرو ٨.٢١ دولار يعني تقريبا ٣١ ريال

Everyday Shea Condtionar & Detangler



هدا بلسم ينترك على الشعر ما يتغسل يعني بعد ما تغسلي شعر الطفل تحطي و تخلي على شعرو و تمشطي، يرطب الشعر و يفك اي عقد. ممكن اذا حابة تغسلي بس انا احب اسيبو. ريمان لسة شعرها مرة قصير فا العقد قليلة انا احبو استخدمو عشان يرطب شعرها لان شعرها ناعم بس كيرلي و في نفشة زيي. بس صراحة ما اقتنعت في كتير يعني احس ترطيبو مو قوي مرة فا ناوية اغيرو  بس اخلصو. سعرو ٧.٩٩ دولار يعني ٣٠ ريال

Aquaphor Baby Gentle Wash and Shampoo



نسيت اصورو مع الباقي في اول صورة خخخخخ شامبو و غسول للجسم من شركة ايوسرين الطبية خفيف مرة على بشرة الاطفال خالي من العطور و الصبغات. مرة ممتاز و الحلو في ما يعور عيون الاطفال و خفيف مرة و مافي ريحة قوية ريحتو خفيفة مرة. بس مشكلتو ما يرطب الجسم و ريمان عشان عندها اكزيما تحتاج ترطيب عالي عشان كدة غيرتو بس اذا بشرة طفلك عادية انصحك بهدا 👍🏻. ٨.٤٢ دولار يعني تقريبا ٣٢ ريال

و هدي المنتجات الي جربتها اخر شي و راي فيها
ان شاء الله استفدتو ❤️

Stay Elegant
xoxo

ليست هناك تعليقات:

إرسال تعليق