الأحد، 27 سبتمبر 2015

أم و بلوقر؟





السلام عليكم حبايبي ❤️ كم وحدة طلبوا مني و سألوني كيف تقدري توفقي بين كونك أم و كونك بلوقر؟ فا حبيت اتكلم عن الموضوع اكتر هنا ❤️

اول شي انا بدأت في التدوين و ريمان كان عمرها ٥ شهور و ريماس لسة عايشة مع مامتها. في البداية مرة كان صعب أوفق عشان كنت لسة حايسة في الأمومة لان طبعا شي جديد عليا و كنت لسة حايسة بين اني اوفق بين البيت و زوجي و بنتي. و ترى انا ما عندي شغالة و اهلي ساكنين في المدينة و انا في جدة فا كانت من جد حووووسة و ما عندي مين يساعدني 😭 سلفتي كانت تساعدني في اشياء خفيفة برضو الله يديها العافية بس انا برضو من النوع الي ما احب اثقل على احد يعني عندي احوس لوحدي ولا اثقل على الناس.

طبعا اول ما جبت ريمان كانت حياتي بينها و بين زوجي و كنت اكرررف طول اليوم و ما عندي حاجة اسويها لنفسي تبسطني. فا سرت احس اعصابي طول الوقت مشدودة و مضغوطة مرة و محتاجة منفس ليا، فا تعرفت وقتها على البلوقز و تابعت بلوقرز و حسيت ايوة هذا الشي الي ابغى اسوي لنفسي! 

فا بدات و سرت احاول انظم حياتي بس طبعا برضها كانت لخبطة في لخبطة خخخخخ. طبعا الاطفال في البداية ياخذو كم غفوة في اليوم فا كانت لما ريمان تنام اقوم انضف شوية في البيت بس تلاقوني انظف على الصامت خخخخ عشان ريمان طلعت مثلي في النوم مرة خفيف! و لما تصحى اقعد معاها و احطلها العاب او اشغلها فيلم كرتون و اقعد اشوف حسابي و ارد على الردود الي تجيني او اشوف يوتيوب او اتفرج على مسلسل و طبعا كل ٥ دقايق لازم تقطعني و اشوفها 😂. و لما ريمان خلاص تنام في الليل و زوجي ينام اقعد ساعة صاحية لوحدي اقعد اكتب فيها مواضيع للانستقرام و للبلوق يعني اجهز من بدري مواضيعي و اخليها للاوقات الي اكون فيها مرة مشغولة يسير ما اقصر في حسابي. تلاقوني اكتب بين ٥-٧ مواضيع شي احطو تاني يوم و شي اخلي لما انشغل انزلو و يكون جاهز و كمان اصور المنتجات و اجهز الصور بس يبقى انزلو و البلوق اكتب الموضوع و ازبطوا و بس انشروا لما ابغى.

بعد ما اخلص اشغل مسلسل و ابدا روتيني الليلي احط الكريمات كلها جنبي و اقعد اسوي و انا اتفرج 😁.

شوية شوية ريمان كبرت سارت تنشغل في الالعاب اكتر و تحبي و تلعب و طبعا اوقات كتير تلعب عند حلقي هههههههه. و طبعا اشوف طلبات زوجي و هو من النوع الي ينشغل في شغلو كتير فا لما يكون فاضي اقعد معاه و تلاقي يدوب ساعة في اليوم! 

فهدا هو السر تحاولي تقسمي وقتك بين البيت و اسرتك و هواية ليكي. استغلي الاوقات الي يكونوا فيها نايمين و روقي لوحدك لان من جد اكبر غلط الوحدة تنسى نفسها! لازم تخصصي وقت ليكي لدلعك لشي تحبي تسوي عشان تقدري تتحملي الضغوط. الوحدة اذا فنت حياتها حيجي وقت تقولي يا ليت سويت و سويت! فا نفسك ليها حق برضو لبي طلبات اسرتك و خصصي وقت ليكي ❤️

و انا من جد حسيت ان نفسيتي تغيرت لما سار عندي حاجة احبها اسويها عشان حاجة انفس فيها اغير فيها جو و انبسط لما اسويها. حاولي تدوري الشي الي يسعدك ❤️

Stay Elegant 
xoxo

هناك 5 تعليقات:

  1. حبيبتي مثلي انا ام لطفله واحب استغل وقتي بأشياء احبها نوريني فالبلوق ❤️❤️

    ردحذف
  2. جد احسن شيء لما يكون لك متنفس يهون عليك كثير اا شايله هم الينه الجايه بما اني حاليا حامل وادرس في نفس الوقت وتخصصي صعب جدا احيانا ما القى وقت لنفسي ما اعرف كيف راح يكون الوضع الشيء الاكيد اني بجيب شغاله تنظف وتمشي لكن موضوع الجامعه والزوج والبيت والبيبي والتدوين والمشاريع كله فوق راسي متخوفه منه بشكل كبير ربي يسهلها

    ردحذف
  3. جد احسن شيء لما يكون لك متنفس يهون عليك كثير اا شايله هم الينه الجايه بما اني حاليا حامل وادرس في نفس الوقت وتخصصي صعب جدا احيانا ما القى وقت لنفسي ما اعرف كيف راح يكون الوضع الشيء الاكيد اني بجيب شغاله تنظف وتمشي لكن موضوع الجامعه والزوج والبيت والبيبي والتدوين والمشاريع كله فوق راسي متخوفه منه بشكل كبير ربي يسهلها

    ردحذف
  4. جد احسن شيء لما يكون لك متنفس يهون عليك كثير اا شايله هم الينه الجايه بما اني حاليا حامل وادرس في نفس الوقت وتخصصي صعب جدا احيانا ما القى وقت لنفسي ما اعرف كيف راح يكون الوضع الشيء الاكيد اني بجيب شغاله تنظف وتمشي لكن موضوع الجامعه والزوج والبيت والبيبي والتدوين والمشاريع كله فوق راسي متخوفه منه بشكل كبير ربي يسهلها

    ردحذف