السبت، 17 أكتوبر، 2015

ريفيو عن بعض منتجات Urban Decay

السلام عليكم حبايبي ❤️ قريب جربت كم منتج من اخر منتجات اربن ديكي ❤️ و هي من الشركات الي مرة احبها 😍 و هدا رأي فيها



Brow Beater and Brow Tamer




قلم الحواجب الجديد و ماسكرا الحواجب، اول شي قلم الحواجب مرة روعة يشبه قلم انستازيا بس حسيتو افضل و اسهل بالرسم و اللون اوضح كريمي شوية فا ما تحسي قاسي على الحواجب او ممكن يطيحها بالعكس مرة روعة و هو يجي جهتين جهة المرسام و جهة سبولي الي هي الفرشة عشان تمشطي حواجبك و ترتبيها. الدرجة الي عندي Neutral Brown و مرة ناسبتني و انا حواجبي بنية في لون اغمق للبنات الي حواجبهم على اسود و في افتح كمان تقدري تختاري الدرحة الي تناسبك 👍🏻. اذا انتي تحبي ترسمي حواجبك بالاقلام مرة راح يعجبك هذا ❤️. سعرو ١٠٠ ريال من سيفورا

ماسكرا الحواجب نفس درجة القلم Neutral Brown تثبت الحواجب و تدي لون خفيف ليها و تقعد فترة طويلة جربتها كم مرة و مرة قعدت حوالي ٨ ساعات و حواجبي قعدت زي ماهي ❤️ و فرشتها سهلة و نحيفة زي ما انتو شايفين فا حلوة في تمشيط الحواجب. سعرها ١١٠ ريال من سيفورا برضو

After Glow 8 Hour Powder Blush (Fetish)



اول شي خلينا ناخد ٥ دقايق و نشوف جمال اللون ❤️ اتعب و انا اقول جميييييل مرة طبيعي على البشرة و يدي لون مرة روعة و احس يناسب كل درجات البشرات بس اللون قليل علي كلمة رائع و فعلا يقعد قترة طويلة بدون ما يخف و سهل في التوزيع. و دحين حيكون ممتاز للخريف اذا انتي تهتمي بمكياج الخريف. في الوان تانية من البلاشرات تقريبا هي ستة و ناوية على درجة Rapture لونها بينك مرة جميل. سعرو ١٤٣ ريال من سيفورا

Lounge ans Bordello Eye Shadows




اليمين Bordello و اليسار Lounge الاتنين شيمر (لمعة) زي ما انتو شايفين، توزيع الالوان افضل شي يكون بالاصابع جربت الفرش حسيت اللون يطلع واضح و الشيمر باين لما تحطي باصباعك. ثابت لمدة طويلة و الشيمر جمال مو طبيعي 😍 انا مرة اعشق الشيمر ما احب اللوك بس يكون مات لكن الشيمر بس احطو على جفني المتحرك لان عيني مبطنة ما ينفع احطو في مكان تاني. اليمين اشتريتو و اليسار جا في بوكس مفضلات سيفورا سوبرستارز بس ما حبيتو اللون حلو ما علي بس مو ذوقي و ما احب استخدم هدي الالوان صراحة بس اللون زيتي و في اندرتون على بني او لمعة على بني. التاني على موف مرة جميل و ناااعم. صراحة ناوية اخد كمان كم لون مرة عجبني بس الاي شادوز حقتهم بصفة عامة رائعة مرة و دمجها سهل بس باصباعك افضل زي ما قلت و ثباتها حلو. سعر الشادو الواحد ٩٥ ريال من سيفورا

بصراحة مرة حبيت منتجاتهم و مرة جميلة احسها ما تتفوت ❤️

Stay Elegant
xoxo

ليست هناك تعليقات:

إرسال تعليق