السلام عليكم حبايبي ❤️ اسفة على الغيبة الطويلة و المفروض من اول انزل الموضوع هدا بس للاسف مرة انشغلت فا ما قدرت انزل تدوينات:(
و اليوم راح اتكلم عن طريقة التخلص من تصبغات الوجه باذن الله!
إظهار الرسائل ذات التسميات ✿ عنايه ✿. إظهار كافة الرسائل
إظهار الرسائل ذات التسميات ✿ عنايه ✿. إظهار كافة الرسائل
الاثنين، 30 نوفمبر 2015
الاثنين، 9 نوفمبر 2015
السيلكون سيئ أو جيد للشعر؟
السلام عليكم حبايبي ❤️ من فترة طويلة و انا ابحث عن موضوع السيلكون لان كتير قريت ان السيلكون سيئ للشعر و يعدم الشعر بس في نفس الوقت كتيررر منتجات الشعر خاصة الي تكون للشعر النافش و الجاف فيها سيلكون و بما ان شعري نافش و جاف فا كانت هدي مرة مشكلة ليا.
فا قعدت ابحث في الموضوع و قريت مقالات كتيرة عن موضوع السيلكون و هدي نتيجة ابحاثي يعني المعلومات كلها من تجميعي ماهي من عقلي 👍🏻
الجمعة، 2 أكتوبر 2015
الروتين اليومي و كيف تستمري علي؟
السلام عليكم حبايبي ❤️ اليوم بتكلم عن موضوع مهم يخص العناية و هو الروتين اليومي ❤️
اول حاجة اذا انتي جديدة في مجال العناية اطلعي على هدا الموضوع
و في حسابي في الانستقرام شوفي هاشتاق #elegant_care101
ايش الروتين اليومي؟ هو زي البرنامج تعملي لنفسك يخص الاهتمام ببشرتك 👍🏻 يعني على حسب ايش تحتاج بشرتك بشكل يومي. انتي تحددي و تشوفي ايش المنتجات الي تحتاجيها بشكل يومي و ايش الي تحتاجيها بشكل اسبوعي و شهري. مثلا كل البشرات تحتاج ترطيب بشكل يومي سواء دهنية او جافة او غيرو. و مثلا التقشير يكون بشكل اسبوعي و حمام البخار بشكل شهري او كل شهرين و زي كدة.
الأحد، 13 سبتمبر 2015
طريقتي في تقشير الشفايف + طرق اخرى
السلام عليكم حبايبي ❤️ اليوم جبتلكم مقشر شفايف تقدروا تسوا بنفسكم في البيت و طرق تانية تقدري تعمليها اذا مو متوفرة عندك المكونات.
طبعا ضروري تقشري شفايفك لان تقشير الشفايف يزيل الجلد الميت و ينعم الشفايف و كمان يساعد في توريد الشفايف. و كمان يخلي منظر الروج احلى على شفايفك لان دحين كتير طالعة الارواج المات (المطفية) و هدي عيبها تبين عيوب الشفايف اذا فيها جلد ميت و كمان تنشف الشفايف فا تحتاجي تقشريها كل يومين او يوم ورا يوم و شوفوا تدوينتي تحت عن الشفايف برضو
نصائح لشفايف وردية
نصائح لشفايف وردية
طيب دحين كيف تقشري شفايفك؟ انا هدي طريقتي في تقشير الشفايف اعملو بنفسي و هدي المكونات
السبت، 22 أغسطس 2015
مكونات و طرق تساعد على توحيد لون الوجه
السلام عليكم بنات 💕 موضوع اليوم عن توحيد لون الوجه. كتير بنات يعانو من بقع غامقة في الوجه او تحسي لون وجهك مو واحد و لي اسباب كتير زي الشمس و التقدم بالعمر و الهرمونات او بعض الادوية. اليوم حبيت اشاركم ببعض التجارب و الحلول الي جمعتها بعضها تعرفت عليها من تجربة و بعضها من قرائتي 💕 اتمنى تستفيدو ❤️
١. فيتامين ج: من اشهر الفيتامينات الي تساعد على توحيد اللون و تكون المكون الرئيسي لاكتر كريمات التوحيد و النضارة. في كتير كريمات فيها فيتامين ج زي مجموعة كاملة موجودة في صيدلية النهدي بالفيتامين ج و في بودي شوب عندهم مجموعة فيتامين ج برضو.
السبت، 11 يوليو 2015
تجهيزات العيد (العناية بالجسم و الأقدام)
السلام عليكم حبايبي 💕 اليوم نكمل مع تجهيزات العيد 👍🏻 حيكون عن العناية بالجسم و الأقدام.
الي ما شاف تدوينة العناية بالوجه الرابط تحت
اول شي زي ما قلت في التدوينة الي قبل هدا تجهيز بسيط و سريع عشان يناسب وقت الكل 👍🏻 و المفروض تكون مهتمين بجسمنا و كل شي طول السنة فا ما تحتاجي تجهيز طويل قبل العيد ❤️
طبعا تقدري تضيفي اشياء ، تحذفي اشياء على كيفك و في بنات يستخدموا خلطات و صابونيات انتي استخدمي الي تحبي هدي بس مجرد اساسيات ضروري تسويها
١. حمام مغربي او التخلص من الجلد الميت
الخميس، 9 يوليو 2015
تجهيزات العيد (العناية بالوجه)
السلام عليكم حبايبي ❤️ اليوم ابدا اول موضوع في سلسلة تجهيزات العيد 💕 ان شاء الله 👍🏻
في بنات يحبوا يبدئوا قبلها باسبوع او اكتر انا صراحة احس يومين بالنسبة للوجه كفاية 😁 يعني قبل العيد بيومين الا اذا انتي عندك تصبغات و مشاكل جلدية هدا يبغالها وقت طويل للمعالجة.
انا اتكلم عن التجهيزات العادية زي التقشير و الترطيب و التنضيف العميق و و و 😁
طيب ليش نقسمها على ايام؟ عشان لا ترهقي بشرتك انك تسوي كل شي في نفس اليوم ممكن تتهيج او تتعب البشرة عشان كدة الافضل نقسمها على كم يوم 👌🏻
و طبعا تقدري تغيري الخطوات على كيفك او تضيفي اشياء على كيفك و اهم شي تستخدمي منتجات تناسب بشرتك و احتيجاتها و لا تستخدمي شي جديد! لان ما تعرفي كيف بشرتك راح تتفاعل معاه عشان كدة افضل تستخدمي منتجات متعودة عليها ❤️
و بسم لله نبدأ
الاثنين، 1 يونيو 2015
فوائد زيت الجوجوبا
السلام عليكم حبايبي ❤️ اسفة على التأخير في الموضوع هدا بس كنت مشغولة الفترة الأخيرة بشكل كبير فا كنت غايبة عن التدوين. اليوم بكمل مع الزيوت المفيدة للبشرة و الشعر و بتكلم عن زيت الجوجوبا
١. كمزيل للمكياج: حطي نقاط قليلة على اصابعك او قطنة و مسحي في المكياج و بعدها غسلي وجهك بالموية و غسول بعدها.
٢. كغسول و مرطب للبشرة: حطي نقاط على اصابعك و مسجي وجهك بشكل كامل و غسلي و بعدها حطي نقاط اقل و ادهني وجهك كلو للترطيب.
الأربعاء، 22 أبريل 2015
أهم الزيوت لبشرتك و شعرك (الجزء الأول)
السلام عليكم بنات ❤️انا جدا من محبين الزيوت و احب استخدمها في الروتين حقي لشعري و لبشرتي و طبعا كتير منها ليها فوايد مختلفة فا احب اقرا كتير عن فوايد الزيوت و حبيت اشاركم فيها 👍🏻 راح اسوي سلسلة في كل جزء اتكلم عن نوعين من الزيوت و اكتب فوايدها عشان الفوايد كتيرة فا الموضوع حيكون طويل فا ما حبيت احط كل الزيوت في موضوع واحد ممكن يكون طويل و ممل! فا كل اسبوع راح احط موضوع ❤️😁 اتمنى تستفيدوا منها!
انا زيوتي اغلبها من موقع اي هيرب عشانها طبيعية و عضوية ١٠٠٪ انتوا حاولوا تاخدوها من عطار ثقة يكون الزيت طبيعي افضل او ممكن من المعصرة او خدوها برضو من اي هيرب و في تاجرات كتير يوفروها برضو 👍🏻
الأحد، 12 أبريل 2015
العناية بالشعر المعالج بالكيراتين
السلام عليكم بنات ❤️ تكلمت قبل عن تجربتي مع كيراتين امازون و كيف سويتوا و رأي في تلاقوها في التدوينة تحت
اليوم ابغى اتكلم عن كيف تهتمي بشعرك و هو معالج بالكيراتين عشان تستمر النتيجة ان شاء الله 👍🏻
١. اول شي مى شرط تستخدمي الشامبو الخاص بالكيراتين الي يديكي هو الصالون و كدة اهم شي الشامبو و البلسم و اي منتجات تحطيها على شعرك يكون خالي من sulfates و sodium الاتنين يزيلوا مفعول الكيراتين من الشعر فا انتي حرة ممكن تستخدمي الي مخصوص للكيراتين و ممكن تختاري واحد تاني يكون خالي من المادتين الي فوق، انا عني طلبت واحد من موقع اي هيرب بس لسة ما وصلني.
٢. لما تغسلي شعرك بالشامبو غسلي بموية فاترة او باردة و بعدها غسلي من الشامبو بموية باردة عشان يدوم اكتر.
الأربعاء، 8 أبريل 2015
الطريقة الصحيحة لتنضيف المسامات بالبخار
السلام عليكم حبايبي 💕 اليوم بتكلم عن الطريقة الصحيحة لتنضيف المسامات بالبخار 👍 هدي الخطوة مهم كل شهر تعمليها مرة عشان تنضفي وجهك من اي اوساخ بالمسامات و اذا تعاني من مسامات واسعة اعمليها كل اسبوعين مرة بس مو اكتر من كدة لان كترة استخدام البخار راح توسع مساماتك و تدخل اوساخ اكتر و نبدأ بالخطوات:
١. اغلي موية على النار و تأكدي ان الموية تكون نضيفة و افضل موية صحة و حتى الكافتيرا او الي تغلي في الموية يكون نضيف.
الجمعة، 3 أبريل 2015
روتين عنايتي الأسبوعي للبشرة
السلام عليكم حبايبي ❤️ اليوم بتكلم عن روتين عنايتي الاسبوعي ببشرتي 😍 هدا الروتين اسوي مرة في الاسبوع لان يكون مكثف مرة و باقي الايام اسوي روتين بسيط عشان لا ارهق بشرتي و راح اتكلم عنو في الانستقرام بعدين 👍 و هدا الروتين الليلي حقي قبل النوم
اول شي اغسل بشرتي بغسول فيتامين سي من سوب اند قلوري و استخدم الكلارسونيك، الغسول هدا مو عاجبني صراحة معطر مرة بس بحاول اخلصو :(
الثلاثاء، 31 مارس 2015
تجربتي مع Amazon Keratin بالعنب
(جميع الصور من حسابهم بالانستقرام)
السلام عليكم حبايبي ❤️ اليوم بتكلم عن تجربتي مع امازون كيراتين هي شركة للكيراتين و الحلو فيها ما تضر الشعر و في انواع تختاري الي تحتاجي او يناسب شعرك زي العنب و التشوكليت و التفاح عندهم بوتكس كمان و يوفروا ماسك و شامبو و بلسم و سيرم.
ماما اشترت من عندهم من كم شهر حق العنب و هدا وصفوا من موقعهم:
افضل منتج لعلاج وتنعيم الشعر وهو مناسب لجميع انواع الشعر
يعطيه افضل نعومة لاطول مدة ممكنة بدون ضرر
الأحد، 8 مارس 2015
العناية بالأظافر
السلام عليكم حبايبي 💕 اليوم ابغى اتكلم عن العناية بالاضافر 💅 بعض النصائح و الطرق الي تساعدك تعتني باظافرك و تحافظي عليها 😍
١. سيبي الكيوتكل (الجلد الي حولين الاضافر) اكبر غلط انك تشيلي! للاسف الاغلب يحسب انو جلد ميت لازم نشيلو و هدا غلط لان الكيوتكل تعمل حاجز طبيعي و تحمي الضفر من البكتريا و الفطريات.
٢. افضل الطرق لترطيب الكيوتكل هو بالزيوت الطبيعية زي المشمش و زيت الزيتون و زيت الارقان او بمرطبات قوية خاصة بالكيوتكل.
تصغير المسام الواسعة
السلام عليكم حبايبي ❤️ اليوم بتكلم عن موضوع تصغير المسامات، طبعا المسامات تتوسع بسبب الغبار او الاوساخ المتراكمة و هدا الشي يضر البشرة و كمان يخرب شكلها فا هدي طرق بسيطة للعناية فيها و طرق تصغيرها:
١. اول شي المسامات الواسعة لازم لها عناية ما ينفع تهمليها لان سببها يكون انسداد في المسامات و تسبب حبوب و رؤوس سوداء عشان كدة اهم شي العناية. غسلي وجهك مرتين يوميا بغسول يكون معتدل مو خشن او قوي. و بعدين حطي شوية تونر في قطنة و مسجي الاماكن الي فيها مسامات واسعة عشان تتخلصي من اي اوساخ باقية. و اخر شي رطبي وجهك و اذا بشرتك دهنية استخدمي مرطب من غير زيوت او مخصص للبشرات الدهنية.
٢. عرضي وجهك للبخار مرة كل اسبوعين لمدة ٣ دقايق.
الرؤوس السوداء و طرق ازالتها
الرؤوس السوداء هي نقط سودة غالبا تطلع في الانف بس ممكن تطلع في مناطق تانية و سببها ان المسام مسدود بسبب زيادة انتاج الزيوت في الوجه. و اذا ما اهتميتي في ازالتها ممكن تجيها باكتريا و تسير حبوب.
غالبا البشرات الدهنية و المختلطة هي الي تعاني من الرؤوس السوداء بس كتير ما يعرف ان ممكن العادية او الجافة تطلعلها رؤوس سوداء اذا استخدمتي المرطبات، واقي الشمس، الفاونديشن و المكياج بكثرة. و انا هدا الي سارلي بشرتي جافة و اول ما بدأت اعتني كنت ارطب وجهي كتيررررر بس طلعلتي رؤوس سوداء و سرت ارطب مرة في اليوم بس بدال مرتين. و اوقات لما احس وجهي رطب تلاقيني ما ارطب او استخدم مرطب مرة خفيف.
الثلاثاء، 3 مارس 2015
السبت، 24 يناير 2015
مرطبات الشفايف
السلام عليكم حبايبي اليوم بتكلم عن كل مرطبات الشفايف الي جربتها و رأي في كل واحد منها 😁 زي ما انتو شايفن عندي ادمان مرطبات 😂 انا للاسف شفايف جدا جافة و كتير تتشقق فا مرة تتعبني فا كل ما اشوف مرطب جديد اشتري عشان اجربو 😭 المهم يالله نبدأ 😍😍
السبت، 20 ديسمبر 2014
الدليل لصبغات الشعر المناسبة لكل أندرتون
السلام عليكم حبايبي ❤️ اليوم حابة اتكلم عن صبغات الشعر الي تناسب كل اندرتون طبعا الي يتابع مدونتي يعرف اني كتبت قبل شرح كامل للاندرتون و هدي الروابط للبنات الي ما قروها و تكلمت بشكل مبسط عن جزئية صبغات الشعر و اليوم حابة اوضح اكتر ليكم.
الأربعاء، 17 ديسمبر 2014
الاشتراك في:
الرسائل (Atom)